-9.1 C
Tajikistan
Tuesday, January 31, 2023

БАТР барои ташкилотҳои қарзии молиявии Тоҷикистон барномаи омӯзишии «Gender Intellingence» ба роҳ мемонад

Бонки Аврупоии Таҷдид ва Рушд /БАТР/ тасмим гирифтааст, ки дар ҳамбастагӣ бо Бонки миллии Тоҷикистон дар оянда барои ташкилоти қарзии молиявии  Тоҷикистон барномаи омӯзишии «Иктишофи гендерӣ» (“Gender Intellingence”) роҳандозӣ намояд. Масъалаи мазкур дар мулоқоти муовини Раиси Бонки миллии Тоҷикистон Моҳбону Накҳатзода бо мудири Бонки Аврупоии Таҷдид ва Рушд оид ба масъалаҳои гендерӣ ва фарогирии молиявӣ хонум Барбара Рамбусек баррасӣ гардид.

Моҳбону Накҳатзода ба намояндагони БАТР барои ҳамкории судманд дар самти татбиқи лоиҳаҳои ба рушди иқтисодии Тоҷикистон равонашуда, рафъи оқибатҳои манфии пандемияи COVID-19 ва ҷонибдорӣ аз узвияти БМТ дар Иттиҳоди фарогирии молиявӣ изҳори сипос намуд. «БМТ ба фароҳам овардани имконияти иқтисодӣ ба шахсони воқеӣ ва соҳибкорон, дастгирии рушди иқтисодӣ ва таъмини дастрасӣ ба хизматрасониҳои молиявӣ таваҷҷуҳи махсус зоҳир намуда, ҷиҳати таҳияи Стратегияи миллии фарогирии молиявии Ҷумҳурии Тоҷикистон тадбирҳои зарурӣ меандешад. Итминон дорем, ки стратегияи мазкур муваффақона таҳия ва татбиқ карда мешавад»,-таъкид намуд Моҳбону Накҳатзода.

Мудири БАТР оид ба масъалаҳои гендерӣ ва фарогирии молиявӣ хонум Барбара Рамбусек омодагияшро барои густариши минбаъдаи ҳамкории БАТР бо БМТ изҳор намуда, ҷамъоварӣ ва коркарди маълумот оид ба сатҳи фарогирии молиявии занон дар кишвар ва дастгирии соҳибкории бонувонро аз самтҳои афзалиятноки ҳамкории дуҷониба маънидод намуда, гуфт, ки БАТР омода аст барои омӯзиши таҷрибаи ҷаҳонӣ дар татбиқи сиёсати фарогирии молиявӣ кумак ва дастгирии худро пешниҳод намояд.

Зикр шуд, ки то кунун БМТ заминаи ташкили махзани маълумот оид ба сатҳи фарогирии молиявии аҳолиро комилан фароҳам оварда, дар ин самт тақвияти ҳамкорӣ ва ҷалби кумакҳои техникиро зарур мешуморад.

Дар мулоқот оид ба рушди бахши суғурта ва ҷалби кумакҳои техникӣ ба ин самт табодули назар сурат гирифт. Намояндагони БАТР омодагиашонро ҷиҳати баррасии масоили вобаста ба пешниҳоди кумаки техникӣ барои рушди бахши суғурта иброз доштанд.

АКСҲО: БМТ

Latest news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...

Related news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...