-9.1 C
Tajikistan
Tuesday, January 31, 2023

Имкониятҳо ва мушкилоти рушди сайёҳӣ дар минтақаи Кӯлоб баррасӣ гардид

Бахшида ба 30-солагии Истиқлолияти  давлатии Ҷумҳурии Тоҷикистон бо ташаббуси факултети химия, биология ва географияи Донишгоҳи давлатии Кӯлоб ба номи Абӯабдуллоҳи Рӯдакӣ ва шуъбаи рушди сайёҳии  мақомоти иҷроияи ҳокимияти давлатии вилояти Хатлон дар минтақаи Кӯлоб конференсияи илмӣ-амалии вилоятӣ дар мавзӯи «Имкониятҳо ва мушкилоти рушди сайёҳӣ дар минтақаи Кӯлоб» баргузор гардид.

Муовини ректор оид ба таълими Донишгоҳи давлатии Кӯлоб, номзади илмҳои филологӣ  Айниддин Холиқзода конференсияи илмӣ-амалиро  оғоз намуда,  дар мавзӯи мавриди назар  изҳори андеша  намуд.

Сипас мутахассиси пешбари шуъбаи рушди сайёҳӣ дар минтақаи Кӯлоб Ҷамолиддин Тоиров дар мавзӯи «Имкониятҳои истифодаи захираҳои сайёҳӣ ва рекреатсионии минтақаи Кӯлоб», номзади илмҳои география Шералӣ Гадоев  дар мавзӯи «Арзёбии шароити геоэкологии минтақаҳои махсус муҳофизатшавандаи табиии минтақаи Кӯлоб дар рушди сайёҳӣ экологӣ», саромӯзгори кафедраи география ва сайёҳии  Донишгоҳ Рухшона Иброҳимова дар мавзӯи «Стратегияи рушди сайёҳӣ дар минтақаи Кӯлоб», саромӯзгори кафедраи география ва сайёҳии  Донишгоҳ Азиз Мирзоев дар мавзӯи «Самтҳои асосии инкишофи агротуризм дар минтақаи Кӯлоб: вазъи имрӯза ва оянда», ассистенти кафедраи география ва сайёҳии донишгоҳ Бахтовари Анвар дар мавзӯи «Рушди сайёҳии кӯҳӣ дар минтақаи Кӯлоб: мушкилот ва дурнамо», ассистенти кафедраи география ва сайёҳӣ Амирхони Шарифхон дар мавзӯи «Иқтидори захираҳои сайёҳӣ ва рекреатсионии ноҳияи Балҷувон», донишҷӯи соли чоруми ихтисоси география Мадасани Азизмад дар мавзӯи «Истифодаи ёдгориҳои таърихию фарҳангӣ дар рушди сайёҳӣ (дар мисоли ноҳияи Ш.Шоҳин)» ваассистенти кафедраи иқтисодиёт ва сайёҳии Донишкадаи технологӣ ва менеҷменти инноватсионӣ дар шаҳри Кӯлоб  Рустам Шарипов  дар мавзӯи «Баъзе монеаҳо дар рушди сайёҳии минтақаи Кӯлоб ва роҳҳои ҳалли онҳо» маърӯза намуданд.

Зимни пешниҳоди маърӯзаҳо масъалаи имкониятҳо ва мушкилоти рушди сайёҳӣ дар минтақаи Кӯлоб ба таври муфассал баррасӣ гардида, баҳри рафъи монеаҳо таклифҳои ҷолиб манзур гардиданд.

Зикр шуд, ки минтақаи Кӯлоб дорои ёдгориҳои бузурги таърихию фарҳангӣ, аз қабили Қасри шоҳони Хатлон- Ҳулбук, Оромгоҳи Мир Саид Алии Ҳамадонӣ, Оромгоҳи Ҳазрати Султон Увайси Қаранӣ, Шаршараи Сари Хосор, Қалъаи Мири Балҷувон, Чилухтарон ва боз даҳҳо мавзеъҳои таърихию фарҳангӣ буда, садҳо нафар сайёҳони дохилию  хориҷӣ аз онҳо боздид намуда, таассуроти нек бардоштаанд. Дар ин замина таъкид гардид, ки таҷрибаи бархе аз кишварҳои ҷаҳон, назири Чин, Туркия, Аморати Муттаҳидаи Араб, Арабистони Саудӣ, Малайзия, Таиланд  ва дигар давлатҳо, ки  дар бахши сайёҳӣ муваффақ гардидаанд, мавриди омӯзиш қарор дода шаванд.

Конфронс бо саволу ҷавоб ва музокираҳо байни  устодону донишҷӯён ва дигар иштирокдорон ба анҷом расид.

АКСҲО: ДДК

Latest news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...

Related news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...