-13.4 C
Tajikistan
Tuesday, January 31, 2023

Дар Тоҷикистон нахустин Анҷумани тиҷоратии кишварҳои Осиёи Марказӣ ва Корея баргузор мегардад

29 ноябр дар шаҳри Душанбе Палатаи савдо ва саноати Ҷумҳурии Тоҷикистон дар чаҳорчӯби раёсати ҷумҳурӣ дар Форуми ҳамкории «Осиёи Марказӣ — Ҷумҳурии Корея» нахустин Анҷумани соҳибкорони доираҳои тиҷоратии Осиёи Марказӣ ва Ҷумҳурии Кореяро баргузор менамояд.

Анҷумани мазкур бо мақсади татбиқи Ёддошти тафоҳум миёни кишварҳои Осиёи Марказӣ ва Ҷумҳурии Корея оид ба таъсиси Шӯрои соҳибкорон, ки 29 июни соли 2020 байни палатаҳои кишварҳои Оиёи Марказӣ ва Ҷумҳурии Корея ба имзо расида буд, инчунин густариши робитаҳои тиҷоратӣ миёни доираҳои тиҷоратии кишварҳои Осиёи Марказӣ ва Ҷумҳурии Корея гузаронида мешавад.

Ташкилкунандагони ҳамоиш Палатаи савдо ва саноати Ҷумҳурии Тоҷикистон бо мусоидат ва ҳамкории Вазорати корҳои хориҷии Ҷумҳурии Тоҷикистон, Вазорати саноат ва технологияҳои нави Ҷумҳурии Тоҷикистон, Кумитаи давлатии сармоягузорӣ ва идораи амволи давлатии Ҷумҳурии Тоҷикистон мебошанд.

Нахустин Форуми соҳибкорони «Осиёи Марказӣ — Ҷумҳурии Корея» дар остонаи 14-умин Форуми ҳамкорӣ бо иштироки вазирони корҳои хориҷии кишварҳои Осиёи Марказӣ ва Корея 30 ноябр ташкил карда мешавад.

Форуми мазкур ба минбари баррасии ҳамкории минбаъдаи тиҷоратӣ ва сармоягузории доираҳои соҳибкорӣ дар самтҳои афзалиятнок бо иштироки намояндагони бахши хусусӣ табдил хоҳад ёфт. Инчунин Форум ба ҷалби соҳибкории хурду миёна ҷиҳати татбиқи лоиҳаҳои муштарак, аз ҷумла тиҷорати электронӣ, агробизнес, амнияти озуқаворӣ, рушди саноат, нақлиёт ва логистика, ҳамкории сармоягузорӣ бо мақсади рушди иқтидори содиротии кишварҳои иштирокчӣ нигаронида шуда, эҷоди шабакаи устувори ҳамкорӣ байни соҳибкорони Ҷумҳурии Корея ва кишварҳои Осиёи Марказӣ хоҳад гардид.

АКС: ПСС ҶТ

Latest news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...

Related news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...