16.9 C
Tajikistan
Tuesday, June 28, 2022

Раиси вилояти Суғд бо намояндагони Бонки ҷаҳонӣ оид ба татбиқи лоиҳаҳои нав мубодилаи афкор намуд

Раиси вилояти Суғд Раҷаббой Аҳмадзода намояндагони Бонки ҷаҳониро, ки бо роҳбарии Теклу Тесфайе ба вилояти Суғд ташриф овардаанд, ба ҳузур пазируфт. Зимни суҳбат ҷонибҳо оид ба татбиқи лоиҳаҳои нави ин ниҳоди байналмилалии молиявӣ мубодилаи афкор намуда, ба нақши Бонки ҷаҳонӣ дар рушди иқтисодиёт баҳои баланд доданд, иттилоъ доданд аз Хадамоти матбуоти Раиси вилояти Суғд.

Раҷаббой Аҳмадзода аз тадбирандешиҳои Ҳукумати мамлакат ҷиҳати рушди соҳаҳои гуногуни хоҷагии халқ ёдовар шуда,  иброз дошт, ки дар соҳаҳои саноату кишоварзӣ ҳанӯз имконоти истифоданашуда хеле зиёданд ва татбиқи лоиҳаҳои гуногун, аз қабили лоиҳаи «Тиҷоратикунонии хоҷагии қишлоқ», ки тӯли чанд соли охир бо мусоидати Бонки ҷаҳонӣ амалӣ шуда истодааст, барои кишоварзон манфиатовар мебошад.

Раиси  вилояти Суғд таваҷҷуҳи намояндагони Бонки ҷаҳониро барои сармоягузорӣ ба соҳаи кишоварзӣ ҷалб намуда, таъкид намуд, ки бо ташкили обанборҳои нав дар ноҳияҳои Деваштич ва  Шаҳристон метавон ҳазорҳо гектар заминро аз худ намуда, бунёди боғҳои нав ва кишти зироати гуногунро ба роҳ монд.

Иттилоъ дода шуд, ки бо мусоидати Бонки ҷаҳонӣ барои таъмини рушди соҳаи кишоварзӣ лоиҳаи нав амалӣ гардида, дар доираи он хоҷагиҳои тухмипарварӣ дастгирӣ карда мешаванд. Тибқи пешбиниҳо, тавассути ин лоиҳа навъҳои нави тухмии картошкаву гандум ва ниҳолу дарахтони мевадиҳандаи суперинтенсивӣ ворид карда шуда, бо ин васила таъмини хоҷагиҳои деҳқонӣ бо ниҳол ва тухмиҳои аълосифат ба роҳ монда хоҳад шуд. Ҳамзамон барои масъулини хоҷагиҳои тухмипарварии ҷумҳурӣ ташкили дарсҳои омӯзишӣ ба нақша гирифта шуда, кишоварзон технологияи парваришу обёрӣ ва дигар таҷрибаҳои замони муосирро аз худ мекунанд.

Ҷонибҳо дурнамои ҳамкориро баррасӣ ва барои татбиқи муваффақонаи лоиҳаи нав омодагии хешро иброз доштанд.

АКС аз хадамоти матбуоти Раиси вилояти Суғд

Latest news

ТАВАҶҶУҲ! Дар Тоҷикистон ҳавои боронии 17-21 июн метавонад хатари омадани селро зиёд кунад

Тибқи маълумоти Агентии обуҳавошиносии мамлакат, аз 17 то 21 июни соли равон дар як қатор ноҳияҳои кӯҳӣ ва назикӯҳии ҷумҳурӣ,  ба истиснои...

Насрулло Маҳмудзода дар ҷаласаи котибони шӯроҳои амнияти кишварҳои узви СААД дар Ереван ширкат варзид

 Кишварҳои узви Созмони Аҳдномаи амнияти дастҷамъӣ (СААД) бояд ҳамкории сиёсиро дар ҳама сатҳҳо ва майдонҳо тақвият бахшанд. Дар ин бора дар ҷаласаи котибони шӯроҳои амнияти ин кишварҳо, ки дирӯз,17 июн дар Ереван баргузор гардид, изҳор шуд карда шуд. Дар ҷаласа котиби Шӯрои амнияти Тоҷикистон Насрулло Маҳмудзода низ иштирок дошт. Котибони шӯроҳои амният тадбирҳои безараргардонии чолишҳо ва таҳдидҳо ба амнияти кишварҳои узви СААД-ро баррасӣ намуда, ҳамчунин як қатор...

Иқтидори сайёҳии Тоҷикистон дар Фестивали 10-уми байналмиллалии фарҳангӣ дар шаҳри Боку муаррифӣ шуд

17 июн Сафорати Ҷумҳурии Тоҷикистон дар шаҳри Боку дар Фестивали 10-уми байналмилалӣ оид ба рӯнамоии таъриху фарҳанги кишварҳои хориҷӣ иштирок намуд. Дар...

Бонки миллии Тоҷикистон ҳамкориро бо Хазинаи байналмилалии асъор тақвият мебахшад

Масъалаҳои таҳкими равобити дуҷониба байни Бонки миллии Тоҷикистон (БМТ) ва Хазинаи байналмилалии асъор (ХБА) дар мулоқоти Раиси Бонки миллӣ Ҳоким Холиқзода бо...

Related news

ТАВАҶҶУҲ! Дар Тоҷикистон ҳавои боронии 17-21 июн метавонад хатари омадани селро зиёд кунад

Тибқи маълумоти Агентии обуҳавошиносии мамлакат, аз 17 то 21 июни соли равон дар як қатор ноҳияҳои кӯҳӣ ва назикӯҳии ҷумҳурӣ,  ба истиснои...

Насрулло Маҳмудзода дар ҷаласаи котибони шӯроҳои амнияти кишварҳои узви СААД дар Ереван ширкат варзид

 Кишварҳои узви Созмони Аҳдномаи амнияти дастҷамъӣ (СААД) бояд ҳамкории сиёсиро дар ҳама сатҳҳо ва майдонҳо тақвият бахшанд. Дар ин бора дар ҷаласаи котибони шӯроҳои амнияти ин кишварҳо, ки дирӯз,17 июн дар Ереван баргузор гардид, изҳор шуд карда шуд. Дар ҷаласа котиби Шӯрои амнияти Тоҷикистон Насрулло Маҳмудзода низ иштирок дошт. Котибони шӯроҳои амният тадбирҳои безараргардонии чолишҳо ва таҳдидҳо ба амнияти кишварҳои узви СААД-ро баррасӣ намуда, ҳамчунин як қатор...

Иқтидори сайёҳии Тоҷикистон дар Фестивали 10-уми байналмиллалии фарҳангӣ дар шаҳри Боку муаррифӣ шуд

17 июн Сафорати Ҷумҳурии Тоҷикистон дар шаҳри Боку дар Фестивали 10-уми байналмилалӣ оид ба рӯнамоии таъриху фарҳанги кишварҳои хориҷӣ иштирок намуд. Дар...

Бонки миллии Тоҷикистон ҳамкориро бо Хазинаи байналмилалии асъор тақвият мебахшад

Масъалаҳои таҳкими равобити дуҷониба байни Бонки миллии Тоҷикистон (БМТ) ва Хазинаи байналмилалии асъор (ХБА) дар мулоқоти Раиси Бонки миллӣ Ҳоким Холиқзода бо...