-9.3 C
Tajikistan
Saturday, December 3, 2022

Вобаста ба татбиқи Лоиҳаи «Беҳтар намудани иммунизатсия дар овони барвақтии кӯдакон» ёддошти тафоҳум ба имзо расид

Имрӯз дар Муассисаи давлатии «Маркази ҷумҳуриявии иммунопрофилактика»-и Вазорати тандурустӣ ва ҳифзи иҷтимоии аҳолии Ҷумҳурии Тоҷикистон бо иштироки Вазири тандурустӣ ва ҳифзи иҷтимоии аҳолии мамлакат Ҷамолиддин Абдуллозода маросими баимзорасии Ёддошти тафоҳум миёни Сафорати Япония ва Хазинаи кӯдакони СММ (ЮНИСЕФ) дар Тоҷикистон вобаста ба татбиқи Лоиҳаи «Беҳтар намудани иммунизатсия дар овони барвақтии кӯдакон» баргузор шуд. Лоиҳаи мазкур  аз ҷониби Ҳукумати Япония дастгирӣ ёфта, дар доираи он давоми се соли оянда харидории ваксинаҳои сурхча-баногӯшак-гулафшон, гепатити Б, маводи иммунизатсионӣ, устувор намудани занҷири хунуктаъминкунанда ва мониторинги иҷрои Барномаи миллии иммунопрофилактика дар саросари ҷумҳурӣ пешбинӣ шудааст.

Тавре аз Вазорати тандурустӣ ва ҳифзи иҷтимоии аҳолии мамлакат иттилоъ доданд, Ҷамолиддин Абдуллозода аз ҳамкории Вазорати тандурустӣ бо кишвари Япония ва Хазинаи кӯдакони СММ (ЮНИСЕФ) ёдовар шуда, баимзорасии ёддошти мазкурро идомаи ҳамкории мутақобилан судманди сеҷониба арзёбӣ намуд.

Ёддошти мазкурро Сафири Япония дар Тоҷикистон Такаюки Мияшита ва Намояндаи Хазинаи кӯдакони СММ (ЮНИСЕФ) дар Тоҷикистон Осама Маккави ба имзо расониданд.

Ҳукумати Япония аз солҳои аввали соҳибистиқолӣ кумаки худро ба Тоҷикистон дар самти  мубориза бар зидди бемориҳои сироятии ба воситаи иммунизатсия идорашаванда мерасонад. Соли 2008 бо мақсади сари вақт ва сифатнок дастрас намудани ваксинаҳо ба вилоят ва минтақаҳои ҷумҳурӣ бо дастгирии Агентии Япония оид  ба ҳамкории байналмилалӣ (JICA) нақлиёти махсуси бо яхдон таҷҳизонидашуда (авторефрижерактор) харидорӣ шуда, ба Муассисаи давлатии «Маркази ҷумҳуриявии иммунопрофилактика» тақдим гардид.

Маҳз бо дастгириҳои назарраси Ҳукумати Япония Вазорати тандурустӣ ва ҳифзи иҷтимоии аҳолии Ҷумҳурии Тоҷикистон тавонист сатҳи фарогирии иммунизатсияи кӯдаконро бар зидди бемориҳои сироятии ба воситаи ваксина идорашаванда дар мамлакат дар саҳти баланд нигоҳ дорад.

АКС: Вазорати тандурустӣ ва ҳифзи иҷтимоии аҳолии ҶТ

Latest news

Дар Будапешт ҷаласаи Комиссияи муштараки Тоҷикистон ва Маҷористон оид ба ҳамкории иқтисодӣ доир гардид

Дар шаҳри Будапешти Ҷумҳурии Маҷористон ҷаласаи 2-юми Комиссияи байниҳукуматии Тоҷикистон ва Маҷористон оид ба ҳамкории иқтисодӣ баргузор гардид, ки дар он масъалаҳои...

Тоҷикистон ва Юнон муносибатҳои дуҷониба ва бисёрҷонибаро рушд медиҳанд

 Муносибатҳои дуҷониба ва бисёрҷонибаи Тоҷикистон ва Юнон 1 декабр дар мулоқоти вазирони корҳои хориҷии ҳар ду кишвар Сироҷиддин Муҳриддин ва Никос Дендиас...

Тоҷикистон ва Финляндия масъалаҳои марбут ба амнияти минтақавиро муҳокима намуданд

Имрӯз, 1 декабр дар шаҳри шаҳри Лодзи Лаҳистон вохӯрии вазирони корҳои хориҷии Тоҷикистон ва Финляндия Сироҷиддин Муҳриддин ва Пекка Ҳаависто доир гардид....

Сироҷиддин Муҳриддин ва Мевлут Чавушоғлу дурнамои рушди муносибатҳои Тоҷикистон ва Туркияро баррасӣ карданд

 Имрӯз, 1 декабр дар шаҳри шаҳри Лодзи Ҷумҳурии Лаҳистон мулоқот  вазирони корҳои хориҷии Тоҷикистон ва Туркия Сироҷиддин Муҳриддин Мевлут Чавушоғлу баргузор гардид....

Related news

Дар Будапешт ҷаласаи Комиссияи муштараки Тоҷикистон ва Маҷористон оид ба ҳамкории иқтисодӣ доир гардид

Дар шаҳри Будапешти Ҷумҳурии Маҷористон ҷаласаи 2-юми Комиссияи байниҳукуматии Тоҷикистон ва Маҷористон оид ба ҳамкории иқтисодӣ баргузор гардид, ки дар он масъалаҳои...

Тоҷикистон ва Юнон муносибатҳои дуҷониба ва бисёрҷонибаро рушд медиҳанд

 Муносибатҳои дуҷониба ва бисёрҷонибаи Тоҷикистон ва Юнон 1 декабр дар мулоқоти вазирони корҳои хориҷии ҳар ду кишвар Сироҷиддин Муҳриддин ва Никос Дендиас...

Тоҷикистон ва Финляндия масъалаҳои марбут ба амнияти минтақавиро муҳокима намуданд

Имрӯз, 1 декабр дар шаҳри шаҳри Лодзи Лаҳистон вохӯрии вазирони корҳои хориҷии Тоҷикистон ва Финляндия Сироҷиддин Муҳриддин ва Пекка Ҳаависто доир гардид....

Сироҷиддин Муҳриддин ва Мевлут Чавушоғлу дурнамои рушди муносибатҳои Тоҷикистон ва Туркияро баррасӣ карданд

 Имрӯз, 1 декабр дар шаҳри шаҳри Лодзи Ҷумҳурии Лаҳистон мулоқот  вазирони корҳои хориҷии Тоҷикистон ва Туркия Сироҷиддин Муҳриддин Мевлут Чавушоғлу баргузор гардид....