Аз 25 то 31 октябр бахшида ба 30-солагии Истиқлолияти давлатии Ҷумҳурии Тоҷикистон дар шаҳри Душанбе Чемпионати Ҷумҳурии Тоҷикистон оид ба шоҳмот миёни мардон ва бонувон доир гардид, иттилоъ доданд аз Кумитаи кор бо ҷавонон ва варзиши мамлакат.
Дар мусобиқаи мазкур варзишгарон аз Вилояти Мухтори Кӯҳистони Бадахшон, Суғду Хатлон, шаҳру ноҳияҳои тобеи ҷумҳурӣ ва шаҳри Душанбе миёни ҳам рақобат намуданд.
Дар ҷамъбаст ғолибият миёни мардон насиби Ҷамшед Исоев аз шаҳри Душанбе гардида, ҷойи дуюм насиби Аъзам Юнусов аз вилояти Хатлон ва ҷойи сеюм насиби Аҳмад Афзалзода аз вилояти Суғд шуд.
Миёни бонувон Мутриба Ҳотамӣ аз шаҳри Душанбе сазовори ҷойи аввал дониста шуда, ҷойи дуюм насиби Рухшона Саидова аз вилояти Суғд ва ҷойи сеюм насиби
Амина Мазҳабова аз шаҳри Душанбе гардид.
Дар охир ғолибон бо диплом, медал ва туҳфаҳои хотиравӣ сарфароз гардонида шуданд.
АКС: Кумитаи кор бо ҷавонон ва варзиш