-8.7 C
Tajikistan
Tuesday, November 30, 2021

Моҳи ноябр дар Тоҷикистон ҳарорати ҳаво 1 дараҷа баланд шуда, даҳаи дуюм ва сеюми моҳ ба амал омадани бориш дар назар аст

Моҳи ноябр дар ҷумҳурӣ ҳарорати миёнаи ҳаво 1 дараҷа баланд  ва дар баъзе ноҳияҳо дар ҳудуди меъёри иқлимӣ пешгӯӣ шуда, даҳаи  дуюм ва сеюми моҳ ба амал омадани борон ва барф дар назар аст, иттилоъ доданд аз Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон.

Ҳарорати миёнаи моҳонаи ҳаво дар бештари ноҳияҳои  вилояти Хатлон ва водиҳои ноҳияҳои тобеи марказ аз меъёри иқлимӣ 1 дараҷа баланд  ва дар баъзе ноҳияҳо дар ҳудуди меъёри иқлимӣ пешгӯӣ мешавад. Ҳаво дар водиҳо 9+13 ва дар ноҳияҳои доманакӯҳ 7+8 дараҷа гарм мешавад.

Давоми моҳ ҳарорати ҳаво дар водиҳо шабона 4+9 дараҷа шуда, рӯзона ҳарорат тағйир меёбад ва то 17+22 дараҷа паст мефарояд. Дар охири моҳ пастшавии ҳарорати ҳаво пешгӯӣ шуда, шабона  аз 3 дараҷа хунук то 2 дараҷа гарм ва рӯзона то 11+16 дараҷа гарм мешавад. Дар ноҳияҳои доманакӯҳӣ шабона 2+7, рӯзона 16+21 дараҷа гармӣ дар назар буда, охири моҳ пастшавии ҳарорати ҳаво пешбинӣ шудааст.

Бориш дар ноҳияҳои водигӣ ва доманакӯҳии вилояти Хатлон дар ҳудуди меъёри иқлимӣ дар назар дошта шуда, дар минтақаҳои ноҳияҳои тобеи ҷумҳурӣ аз меъёри иқлимӣ паст пешгӯӣ мешавад. Нимаи дуюми моҳ ба амал омадани бориш дар назар аст. Рӯзҳои алоҳида шиддатёбии вазиши шамол бо суръати то 13-18 метр дар як сония пешгӯӣ мешавад.

Ҳарорати миёнаи моҳонаи ҳаво дар  вилояти  Хатлон нисбат ба моҳи ноябри соли гузашта 2-3 дараҷа гармтар пешбинӣ шудааст.

Дар вилояти Суғд  ҳарорати миёнаи моҳонаи ҳаво дар ҳудуди меъёр ва дар баъзе ноҳияҳо аз меъёри иқлимӣ 1-1,5 дараҷа баланд пешгӯӣ шуда, дар водиҳо 8+9  дараҷа гарм мешавад. Дар ноҳияҳои кӯҳӣ ҳаво аз 1 дараҷа хунук то 2 дараҷа гарм мешавад.

Давоми моҳ тағйирёбии ҳарорати ҳаво дар вилояти Суғд  пешбинӣ шуда, дар водиҳо шабона аз 2+7 дараҷа гарм то -2+3 дараҷа, рӯзона аз 15+20 то 10+15 дараҷа гарм мешавад. Дар ноҳияҳои кӯҳӣ шабона аз -3+2  то 2-7 дараҷа хунук шуда,  рӯзона аз 9+14 то 3+8 дараҷа гарм мешавад. Охири моҳ пастшавии ҳарорати ҳаво дар назар буда, шабона то 7-12 дараҷа  хунук  мешавад.

Дар даҳрӯзаи дуюм ва сеюми моҳи ноябр дар вилояти Суғд бориши  борон ва барфи тар пешбинӣ мешавад.

Вазъи миёнаи моҳонаи ҳаво дар  вилояти  Суғд нисбат ба моҳи ноябри соли 2020 гармтар пешгӯӣ мешавад.

Инчунин моҳи ноябр вазъи ҳаво дар ғарби вилояти Мухтори Кӯҳистони Бадахшон ва минтақаҳои кӯҳии ноҳияҳои тобеи марказ дар ҳудуди меъёри иқлимӣ буда, дар ноҳияҳои алоҳидаи кӯҳӣ аз меъёр 1 дараҷа пасттар мешавад.

Давоми моҳ тағйирёбии ҳарорати ҳаво дар назар дошта шуда, шабона аз 0+5 дараҷа гарм то 1-6 дараҷа хунук мешавад. Рӯзона ҳарорат  аз 12+17 дараҷа гармӣ то 6+11 дараҷа расида, охири моҳ пастшавии ҳарорат дар назар аст.

Миқдори моҳонаи бориш дар ҳудуди меъёри иқлимӣ, дар баъзе минтақаҳо аз меъёри иқлимӣ зиёд пешгӯӣ мешавад.  Дар даҳрӯзаҳои дуюм ва сеюми моҳ ба амал омадани борон ва барф дар назар аст.

Дар шарқи вилояти Мухтори Кӯҳистони Бадахшон вазъи миёнаи моҳонаи ҳаво дар ҳудуди меъёри иқлимӣ пешгӯӣ шуда, 8-11 дараҷа  хунукиро ташкил медиҳад.

Давоми моҳ тағйирёбии ҳарорати ҳаво дар назар аст. Ҳаво шабона аз 12-17 то 20-25 дараҷа хунук, рӯзона аз 0+5 дараҷа гарм то 2-7 дараҷа хунук мешавад. Охири моҳи ноябр ҳарорати ҳаво паст шуда, шабона то 25-30 ва рӯзона то 8-13 дараҷа хунук мешавад.

Latest news

Маҷлиси Ҳукумати Ҷумҳурии Тоҷикистон баргузор гардид

30 ноябр таҳти раёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Ҳукумати Ҷумҳурии Тоҷикистон муҳтарам Эмомалӣ Раҳмон маҷлиси...

Дар Маҷлиси намояндагон оид ба таҳияи лоиҳаи Кодекси иттилоот ҳамоиш доир шуд

Имрӯз бо ташаббуси кумитаи Маҷлиси намояндагон оид ба корҳои байналмилалӣ, иттиҳодияҳои ҷамъиятӣ ва иттилоот дар мавзӯи «Ташаббус оид ба таҳияи лоиҳаи Кодекси...

Хуршед Каримзода ва Ғода Волӣ таҳкими ҳамкории мақомоти гумруки Тоҷикистон бо UNODC-ро баррасӣ намуданд

Масъалаҳои мубрами тавсеаи ҳамкорӣ миёни мақомоти гумруки Тоҷикистон ва Дафтари Созмони Милали Муттаҳид /СММ/ оид ба маводи мухаддир ва ҷинояткорӣ (UNODC) имрӯз...

Пешвои миллат Эмомалӣ Раҳмон ба Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2022» имзо гузоштанд

 30 ноябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Қонуни Ҷумҳурии Тоҷикистон «Дар бораи Буҷети...

Related news

Маҷлиси Ҳукумати Ҷумҳурии Тоҷикистон баргузор гардид

30 ноябр таҳти раёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Ҳукумати Ҷумҳурии Тоҷикистон муҳтарам Эмомалӣ Раҳмон маҷлиси...

Дар Маҷлиси намояндагон оид ба таҳияи лоиҳаи Кодекси иттилоот ҳамоиш доир шуд

Имрӯз бо ташаббуси кумитаи Маҷлиси намояндагон оид ба корҳои байналмилалӣ, иттиҳодияҳои ҷамъиятӣ ва иттилоот дар мавзӯи «Ташаббус оид ба таҳияи лоиҳаи Кодекси...

Хуршед Каримзода ва Ғода Волӣ таҳкими ҳамкории мақомоти гумруки Тоҷикистон бо UNODC-ро баррасӣ намуданд

Масъалаҳои мубрами тавсеаи ҳамкорӣ миёни мақомоти гумруки Тоҷикистон ва Дафтари Созмони Милали Муттаҳид /СММ/ оид ба маводи мухаддир ва ҷинояткорӣ (UNODC) имрӯз...

Пешвои миллат Эмомалӣ Раҳмон ба Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2022» имзо гузоштанд

 30 ноябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Қонуни Ҷумҳурии Тоҷикистон «Дар бораи Буҷети...