Дар шаҳри Тошканд, дар бинои Кумитаи миллии олимпии Узбекистон мулоқоти Раиси Федератсияи санъати муҳорибаҳои омехтаи ғайрикасбии Ҷумҳурии Тоҷикистон Ҷураев Даврон Музафарович ва муовини аввали ӯ Хоҷаев Бахтиёр Тоҳирович бо Президенти Кумитаи миллии олимпии Узбекистон Шаабдурахмонов Рустам Мавзурович, муовини раиси Кумитаи миллии олимпии Узбекистон, муовини якуми раиси Ассотсиатсияи муҳорибаҳои омехтаи Узбекистон Тошматов Шерзод Рихсибоевич ва муовини раиси Кумитаи миллии олимпӣ ва раиси федератсияи дзюдои Узбекистон Комилов Азизҷон Яқубҷонович баргузор гардид. Ҳамкориҳои Тоҷикистону Узбекистон дар соҳаҳои гуногун торафт ташаккул ёфтаистодааст, ки ин барои ду халқи бародар хеле манфиатовар мебошад. Федератсияи санъати муҳорибаҳои омехтаи Ҷумҳурии Тоҷикистон низ барои ҳамкории амиқ ва мутақобилан судманд дар бахшҳои мухталаифи варзиш бо кишвари ҳамсоя ва бо минтақаи Осиё ҳамкории худро ба роҳ монда истодааст. Новобаста аз шароити пандемияи COVID-19, ки дар саросари ҷаҳон идома дорад, федератсия дар сатҳи системавӣ ҷиҳати баланд бардоштани иқтидор ва рушди устувори варзиш дар минтақа чораҳои фаъол андешида истодааст. Зимни мулоқот масъалаҳои ҳамкориҳои дуҷониба дар соҳаи варзиш, таҳким ва рушди ҳамкорӣ дар соҳаи муҳорибаи омехта, табодули таҷриба ва ҳамкориҳои мутақобилан судманди ҷонибҳо дар самти чорабиниҳои варзишӣ дар асоси принсипҳои баробарӣ, эҳтиром ва сохибихтиёрии тарафхо муҳокима шуданд. Ҷонибҳо изҳори итминон карданд, ки созишхои ҳосилшуда ба рушди робитаҳои судманд дар бахшњои мухталифи варзиш ва таҳкими минбаъдаи муносибатҳои неки ҳамсоягӣ хизмат хоҳанд кард
