-9.1 C
Tajikistan
Wednesday, December 7, 2022

Дар Хоруғ даври вилоятии Озмуни ҷумҳуриявии «Фурӯғи субҳи доноӣ китоб аст» ҷамъбаст гардид

Дар шаҳри Хоруғ даври вилоятии озмуни ҷумҳуриявии «Фурӯғи субҳи доноӣ китоб аст» ҷамъбаст гардид, ки аз  243 нафар довталаб 54 нафарашон ба даври ҷумҳуриявӣ роҳхат  гирифтанд.

Аз ин шумора 25 нафарро хонандагони муассисаҳои таҳсилоти миёнаи умумӣ, 29 нафарро донишҷӯён ва 18 нафарро шахсони гуногункасб ташкил медиҳанд. Дар маросими  супоридани ифтихорномаҳо ва мукофоти пулӣ ба ғолибони даври вилоятӣ раиси Вилояти Мухтори Кӯҳистони Бадахшон Ёдгор Файзов сухан гуфт.

Раиси ВМКБ Ёдгор Файзов ба иштирокдорони даври вилоятии озмуни «Фурӯғи субҳи доноӣ китоб аст» ва омӯзгорону волидони онҳоро, ки дар кори омода намудани шогирдону фарзандонашон ба озмун нақши арзишманд гузоштаанд, арзи сипос намуд. Раиси вилоят ба донишу истеъдод, маҳорати суханварӣ,  малакаи ҳозирҷавобӣ, ҷуръату ҷасорати кӯдакону наврасон баҳои баланд дода, изҳор дошт, ки «яке аз ҳадафҳои асосии ин озмун- баланд бардоштани завқи китобхонӣ, тақвияти неруи зеҳнӣ, ташаккули қобилияти эҷодкорӣ, такмили захираи луғавӣ ва аз ҳама муҳим, пайдо намудани чеҳраҳои нави суханвару сухандон мебошад. Ҳарчанд аз миёни довталабони сершумор, ки яке аз дигаре бартар буд, интихоб намудани ғолибон кори саҳлу сода нест, аммо аз чеҳраи ҳамаи иштирокчиёни озмун аён аст, ки онҳо аз баҳои гузоштаи ҳакамон қаноатманд мебошанд. Аз ин рӯ, аз номи мақомоти иҷроияи ҳокимияти давлатии вилоят ба ҳайати ҳакамон барои дар сатҳи баланд баргузор намудани озмун миннатдорӣ баён менамоям. Бовар дорам, ки ғолибони озмуни вилоятӣ дар озмуни ҷумҳуриявӣ низ аз худ маҳорати хуби эҷодкорӣ, суханварию сухандонӣ нишон хоҳанд дод».

Яке аз довталабони даври вилоятии озмун Асрор Карамалиев, ки 40 сол дошта, нобинои модарзод аст, аз муомилаву муоширати ҳайати ҳакамон изҳори ташаккур намуда, баён дошт, ки «дар аввал он чӣ дар зеҳнам ҳифз карда будам, якбора аз сарам берун шуд, аммо ҳайати ҳакамон вазъи равонии маро пай бурда, ба ман фурсат доданд, ки каме ба худ оям ва танҳо пас аз он ба суолҳояшон посух гардондам. Ягона хушии ман ин китоб аст ва китоб аст, ки дунёи торики маро равшан мекунад. Аз Пешвои миллат минатдорам, ки ин озмунро роҳандозӣ намудаанд ва ба ман барин садҳо нафар нобиноён имконият фароҳам оварданд, то худро дар ҷомеа шахси танҳо эҳсос накунем».

Манбаъ: АМИТ «Ховар»

  Чопи саҳифа✉  Равон кардан

Latest news

Дар Будапешт ҷаласаи Комиссияи муштараки Тоҷикистон ва Маҷористон оид ба ҳамкории иқтисодӣ доир гардид

Дар шаҳри Будапешти Ҷумҳурии Маҷористон ҷаласаи 2-юми Комиссияи байниҳукуматии Тоҷикистон ва Маҷористон оид ба ҳамкории иқтисодӣ баргузор гардид, ки дар он масъалаҳои...

Тоҷикистон ва Юнон муносибатҳои дуҷониба ва бисёрҷонибаро рушд медиҳанд

 Муносибатҳои дуҷониба ва бисёрҷонибаи Тоҷикистон ва Юнон 1 декабр дар мулоқоти вазирони корҳои хориҷии ҳар ду кишвар Сироҷиддин Муҳриддин ва Никос Дендиас...

Тоҷикистон ва Финляндия масъалаҳои марбут ба амнияти минтақавиро муҳокима намуданд

Имрӯз, 1 декабр дар шаҳри шаҳри Лодзи Лаҳистон вохӯрии вазирони корҳои хориҷии Тоҷикистон ва Финляндия Сироҷиддин Муҳриддин ва Пекка Ҳаависто доир гардид....

Сироҷиддин Муҳриддин ва Мевлут Чавушоғлу дурнамои рушди муносибатҳои Тоҷикистон ва Туркияро баррасӣ карданд

 Имрӯз, 1 декабр дар шаҳри шаҳри Лодзи Ҷумҳурии Лаҳистон мулоқот  вазирони корҳои хориҷии Тоҷикистон ва Туркия Сироҷиддин Муҳриддин Мевлут Чавушоғлу баргузор гардид....

Related news

Дар Будапешт ҷаласаи Комиссияи муштараки Тоҷикистон ва Маҷористон оид ба ҳамкории иқтисодӣ доир гардид

Дар шаҳри Будапешти Ҷумҳурии Маҷористон ҷаласаи 2-юми Комиссияи байниҳукуматии Тоҷикистон ва Маҷористон оид ба ҳамкории иқтисодӣ баргузор гардид, ки дар он масъалаҳои...

Тоҷикистон ва Юнон муносибатҳои дуҷониба ва бисёрҷонибаро рушд медиҳанд

 Муносибатҳои дуҷониба ва бисёрҷонибаи Тоҷикистон ва Юнон 1 декабр дар мулоқоти вазирони корҳои хориҷии ҳар ду кишвар Сироҷиддин Муҳриддин ва Никос Дендиас...

Тоҷикистон ва Финляндия масъалаҳои марбут ба амнияти минтақавиро муҳокима намуданд

Имрӯз, 1 декабр дар шаҳри шаҳри Лодзи Лаҳистон вохӯрии вазирони корҳои хориҷии Тоҷикистон ва Финляндия Сироҷиддин Муҳриддин ва Пекка Ҳаависто доир гардид....

Сироҷиддин Муҳриддин ва Мевлут Чавушоғлу дурнамои рушди муносибатҳои Тоҷикистон ва Туркияро баррасӣ карданд

 Имрӯз, 1 декабр дар шаҳри шаҳри Лодзи Ҷумҳурии Лаҳистон мулоқот  вазирони корҳои хориҷии Тоҷикистон ва Туркия Сироҷиддин Муҳриддин Мевлут Чавушоғлу баргузор гардид....