17.2 C
Tajikistan
Monday, June 27, 2022

Шумораи дорандагони кортҳои пардохтӣ аз «Амонатбонк» аз 1,5 миллион нафар гузашт

Зарфи нуҳ моҳи соли равон Бонки давлатии амонатгузории Ҷумҳурии Тоҷикистон «Амонатбонк» беш аз 56 миллион сомонӣ даромади соф ба даст овардааст, ки нисбат ба ҳамин давраи соли гузашта 38,2 фоиз зиёд  буда, нақшаи пешбинишуда пурра таъмин гардидааст. Ин нукта зимни натиҷагирӣ аз фаъолияти БДА Ҷумҳурии Тоҷикистон «Амонатбонк» дар нуҳ моҳи соли ҷорӣ дар ҷаласаи ҷамъбастӣ зикр гардид.

Дар ҷаласа Раиси Раёсати Бонки давлатии амонатгузории  Ҷумҳурии Тоҷикистон  «Амонатбонк» Сироҷиддин Икромӣ гуфт, ки сармояи «Амонатбонк» дар 9 моҳи соли  равон  ба 619,8 миллион сомонӣ расонида шуд, ки нисбат ба ҳамин давраи соли гузашта 38,5 фоиз  зиёд мебошад. Бонк дар 9 моҳи соли ҷорӣ дар маҷмуъ 78,1 миллион сомонӣ маблағҳои андозу пардохтҳои ҳатмиро  аз рӯи фаъолияти худ ба буҷетҳои ҷумҳуриявӣ ва маҳаллӣ гузаронидааст, ки нисбат ба ҳамин давраи соли гузашта 15,4 фоиз зиёд  аст.

Сироҷиддин Икромӣ зикр намуд, ки ҷиҳати саҳмгузорӣ баҳри дар 7 соли оянда ба беш аз 100 миллиард сомонӣ расонидани ҳаҷми қарзҳо дар низоми бонкӣ ва ҷалби сармояи хориҷӣ тадбирҳои зарурӣ андешида мешаванд.

Ҷиҳати иҷрои саривақтии дастуру супоришҳои Пешвои  миллат дар Паёми навбатӣ бонк барои пурра ҷорӣ намудани амалиёти ғайринақдӣ чораҷӯӣ намуда, дар маҷмӯъ бо 7 888 корхонаву ташкилоти буҷетӣ ва ғайрибуҷетӣ тавассути кортҳои пардохтии бонкӣ ҳамкорӣ ба роҳ мондааст, ки нисбат ба ҳамин давраи соли гузашта 162 адад зиёд мебошад.

Шумораи дорандагони кортҳои пардохтии бонкӣ ба 1 миллиону 519 ҳазор нафар расидааст, ки дар муқоиса ба ҳамин давраи соли гузашта 13,4 ҳазор нафар зиёд мебошад.

Сироҷидин Икромӣ гуфт, ки «Амонатбонк» ҳамчун бонки давлатӣ сиёсати иҷтимоии давлатро татбиқ намуда,  дар самти пешниҳоди хизматрасонии бонкӣ ба аҳолии кишвар хизмат мерасонадд. Аз ин рӯ аз ҳар нафар корманди Бонк талаб карда шуд, ки бо виҷдони пок фаъолият намуда, дар самти рушди иқтисодиёти мамлакат саҳм гузоранд.

Дар ҷаласа доир ба масъалаи ба таври васеъ ба роҳ мондани хизматрасониҳои нав бо истифода аз технологияҳои муосири рақамӣ ва устувор гардонидани мавқеи Бонк ҳамчун бонки давлатӣ дар бозори байнибонкии кишвар, андешидани тадбирҳо дар самти баланд бардоштани маърифатнокии молиявӣ ва фаъолнокии иқтисодии аҳолӣ, тақвияти фаъолият ҷиҳати такмили савияи касбии кормандони Бонк доир ба истифодаи технологияи рақамӣ, зиёд намудани ҳиссаи қарздиҳӣ ба соҳаҳои истеҳсолӣ, махсусан ба соҳибкории хурду миёна, ҳунарҳои мардумӣ, истеҳсол ва коркарди маҳсулоти кишоварзӣ табодули назар карда шуд.

Дар ҷаласа мутахассисони бархе аз филиалҳои «Амонатбонк» барои саҳми босазо гузоштан дар рушди фаъолияти соҳа ва тақвияти мавқеи бонк дар низоми бонкии кишвар бо Ифтихорнома ва Раҳматномаи Бонки давлатии амонатгузории Ҷумҳурии Тоҷикистон «Амонатбонк» қадрдонӣ гардиданд.

Манбаъ: АМИТ «Ховар»

Latest news

ТАВАҶҶУҲ! Дар Тоҷикистон ҳавои боронии 17-21 июн метавонад хатари омадани селро зиёд кунад

Тибқи маълумоти Агентии обуҳавошиносии мамлакат, аз 17 то 21 июни соли равон дар як қатор ноҳияҳои кӯҳӣ ва назикӯҳии ҷумҳурӣ,  ба истиснои...

Насрулло Маҳмудзода дар ҷаласаи котибони шӯроҳои амнияти кишварҳои узви СААД дар Ереван ширкат варзид

 Кишварҳои узви Созмони Аҳдномаи амнияти дастҷамъӣ (СААД) бояд ҳамкории сиёсиро дар ҳама сатҳҳо ва майдонҳо тақвият бахшанд. Дар ин бора дар ҷаласаи котибони шӯроҳои амнияти ин кишварҳо, ки дирӯз,17 июн дар Ереван баргузор гардид, изҳор шуд карда шуд. Дар ҷаласа котиби Шӯрои амнияти Тоҷикистон Насрулло Маҳмудзода низ иштирок дошт. Котибони шӯроҳои амният тадбирҳои безараргардонии чолишҳо ва таҳдидҳо ба амнияти кишварҳои узви СААД-ро баррасӣ намуда, ҳамчунин як қатор...

Иқтидори сайёҳии Тоҷикистон дар Фестивали 10-уми байналмиллалии фарҳангӣ дар шаҳри Боку муаррифӣ шуд

17 июн Сафорати Ҷумҳурии Тоҷикистон дар шаҳри Боку дар Фестивали 10-уми байналмилалӣ оид ба рӯнамоии таъриху фарҳанги кишварҳои хориҷӣ иштирок намуд. Дар...

Бонки миллии Тоҷикистон ҳамкориро бо Хазинаи байналмилалии асъор тақвият мебахшад

Масъалаҳои таҳкими равобити дуҷониба байни Бонки миллии Тоҷикистон (БМТ) ва Хазинаи байналмилалии асъор (ХБА) дар мулоқоти Раиси Бонки миллӣ Ҳоким Холиқзода бо...

Related news

ТАВАҶҶУҲ! Дар Тоҷикистон ҳавои боронии 17-21 июн метавонад хатари омадани селро зиёд кунад

Тибқи маълумоти Агентии обуҳавошиносии мамлакат, аз 17 то 21 июни соли равон дар як қатор ноҳияҳои кӯҳӣ ва назикӯҳии ҷумҳурӣ,  ба истиснои...

Насрулло Маҳмудзода дар ҷаласаи котибони шӯроҳои амнияти кишварҳои узви СААД дар Ереван ширкат варзид

 Кишварҳои узви Созмони Аҳдномаи амнияти дастҷамъӣ (СААД) бояд ҳамкории сиёсиро дар ҳама сатҳҳо ва майдонҳо тақвият бахшанд. Дар ин бора дар ҷаласаи котибони шӯроҳои амнияти ин кишварҳо, ки дирӯз,17 июн дар Ереван баргузор гардид, изҳор шуд карда шуд. Дар ҷаласа котиби Шӯрои амнияти Тоҷикистон Насрулло Маҳмудзода низ иштирок дошт. Котибони шӯроҳои амният тадбирҳои безараргардонии чолишҳо ва таҳдидҳо ба амнияти кишварҳои узви СААД-ро баррасӣ намуда, ҳамчунин як қатор...

Иқтидори сайёҳии Тоҷикистон дар Фестивали 10-уми байналмиллалии фарҳангӣ дар шаҳри Боку муаррифӣ шуд

17 июн Сафорати Ҷумҳурии Тоҷикистон дар шаҳри Боку дар Фестивали 10-уми байналмилалӣ оид ба рӯнамоии таъриху фарҳанги кишварҳои хориҷӣ иштирок намуд. Дар...

Бонки миллии Тоҷикистон ҳамкориро бо Хазинаи байналмилалии асъор тақвият мебахшад

Масъалаҳои таҳкими равобити дуҷониба байни Бонки миллии Тоҷикистон (БМТ) ва Хазинаи байналмилалии асъор (ХБА) дар мулоқоти Раиси Бонки миллӣ Ҳоким Холиқзода бо...