-9.1 C
Tajikistan
Wednesday, December 7, 2022

Нозирони байналмиллалии АБ ИДМ бо роҳбарони як қатор кумитаҳои палатаи поёнии Узбекистон мулоқот намуданд

Имрӯз вохӯрии нозирони байналмиллалии Ассамблеяи байнипарлумонии ИДМ бо роҳбарии ҳамоҳангсози гурӯҳ, муовини якуми Раиси Маҷлиси намояндагони Маҷлиси Олии Ҷумҳурии Тоҷикистон Маҳмадалӣ Ватанзода бо роҳбарони як қатор кумитаҳои палатаи поёнии Узбекистон баргузор гардид.

Зимни мулоқот ҷонибҳо рафти маъракаи интихоботӣ оид ба интихоботи Президентии Ҷумҳурии  Узбекистон, инчунин ҳамкориҳои байнипарлумонӣ дар доираи АБ  ИДМ-ро баррасӣ карданд.

Раиси Кумитаи корҳои байналмилалӣ ва ҳамкории байнипарлумонӣ Дилором Файзиева нозирони байналмилалиро хайра мақдам гуфта, аҳамияти мушоҳидаҳои байналмилалиро барои рушди демократия, риояи ҳуқуқу озодиҳои интихоботии шаҳрвандони кишвар зикр намуда, ба нозирон барои иштирокашон дар интихобот изҳори сипос намуд.

«Ташрифи Шумо таваҷҷуҳи вакилони парлумони АБ ИДМ-ро ба равандҳои пешрафтае, ки дар кишвари мо ба амал меоянд, тасдиқ мекунад»,-гуфт роҳбари кумита ва изҳори боварӣ кард, ки ҷаласаи имрӯза ба рушди ҳамкории байнипарлумонӣ оид ба доираи васеи масъалаҳо такони ҷиддӣ мебахшад.

Ҳамчунин раисони кумита оид ба масъалаҳои мудофиа ва амният Эркин Салихов, кумита оид ба рушди инноватсионӣ, сиёсати иттилоотӣ ва технологияҳои иттилоотӣ Илҳом Абдуллоев, кумита оид ба илм, маориф, фарҳанг ва варзиш Эркин Захидов, кумитаи оид ба буҷет ва ислоҳоти иқтисодӣ Шарофуддин Назаров  иброз намуданд, ки нақши муттаҳидкунандаи Ассамблеяи Байнипарламентӣ муҳим аст. Вакилон боварӣ  доранд, ки иштирок дар мушоҳида дастгирии фаъол аст.  Муҳим аст, ки иқтидори Институти махсуси байналмилалии мониторинги рушди демократия истифода шуда, таҷрибаи бузурги гурӯҳҳои мониторингии АБ  ИДМ дар фазои Иттиҳод ба назар гирифта шавад.

Вакилони порлумон ба фаъолияти Ассамблея дар соҳаи қонунсозии намунавӣ, аз ҷумла танзими равандҳои интихобот баҳои баланд доданд. Ин таҷриба, таъкид  карда шуд дар ҷаласа, дар омодасозии Кодекси нави интихоботи Узбекистон истифода шуд, ки бар асоси он интихоботи ҷорӣ баргузор мешавад.

Ҳамоҳангсози гурӯҳ Маҳмадалӣ Ватанзода вакилони палатаи қонунгузориро бо гузориши таҳлилӣ оид ба мониторинги дарозмуддати интихоботи Президентии Ҷумҳурии Узбекистон, ки аз ҷониби гурӯҳи экспертии Институти байналмилалии мониторинги интихобот гузаронида шудааст, шинос намуд. Ба гуфтаи коршиносон, қонунгузории интихоботи Ҷумҳурии Узбекистон ба меъёрҳои байналмилалии интихоботи демократӣ мувофиқат мекунад.

Роҳбари гурӯҳи назоратӣ ба роҳбарони кумитаҳо дар бораи чӣ гуна ташкил шудани гурӯҳ, чӣ гуна гузаронидани мониторинги дарозмуддат, инчунин дар бораи нақшаҳои кори нозирон дар рӯзи интихобот маълумот дод. «Мо нақша дорем, ки тамоми марҳилаҳоро бо мушоҳида фаро гирем — аз ифтитоҳи қитъаҳои интихоботӣ то ҳисобкунии овозҳо», — гуфт роҳбари гурӯҳи мониторингӣ.

Дмитрий Кобитский, дабири кулли Шӯрои АБ  ИДМ, дар бораи он ки чӣ гуна мушоҳидаҳо дар интихоботи президентии Узбакистон дар дигар кишварҳо гузаронида мешаванд, нақл кард. Дабири кулл вакилони палатаи қонунгузорро ба ҷаласаи тирамоҳии АБ ИДМ,  ки рӯзҳои 25-26 ноябр баргузор мешавад, даъват кард.

Дар вохӯрӣ намояндаи доимии Маҷлиси Олии Ҷумҳурии Тоҷикистон дар АБ  ИДМ Бахтовар Сафарзода иштирок дошт.

Инчунин, дар доираи мониторинги кӯтоҳмуддати интихоботи Президенти Ҷумҳурии Узбекистон нозирони байналмилалӣ аз Ассамблеяи Байнипарлумонии ИДМ таҳти раёсати ҳамоҳангсози гурӯҳ, муовини якуми Раиси палатаи поёнии парлумони Тоҷикистон Маҳмадалӣ Ватанзода бо Раиси Комиссияи марказии интихоботии Ҷумҳурии Узбекистон Зайниддин Низомхоҷаев мулоқот намуданд.

Зайниддин Низомхочаев ба нозирон аз фаъолияти комиссия дар давраи пешазинтихоботй маълумот дод. Вай қайд кард, ки омодагӣ ба интихобот аз аввали сол ҷараён дорад – маъмурият таҷрибаи баргузории интихоботи парлумонии соли 2019, аз ҷумла тавсияҳои нозирони байнулмилалиро омӯхтааст.

Маҳмадалӣ Ватанзода ба раиси Комиссияи марказии интихобот ва раъйпурсӣ оид ба натиҷаҳои мониторинги дарозмуддати маъракаи кунунии интихоботӣ маълумот дода, ба ӯ нусхаи ҳисоботи гурӯҳи экспертии назорати дарозмуддати омодагӣ ва баргузории интихоботи президентии ҷумҳуриро супорид.

Дар мулоқот дигар масъалаҳои таваҷҷӯҳи тарафайн мавриди баррасӣ қарор гирифтанд.

Манбаъ: АМИТ «Ховар»

Latest news

Дар Будапешт ҷаласаи Комиссияи муштараки Тоҷикистон ва Маҷористон оид ба ҳамкории иқтисодӣ доир гардид

Дар шаҳри Будапешти Ҷумҳурии Маҷористон ҷаласаи 2-юми Комиссияи байниҳукуматии Тоҷикистон ва Маҷористон оид ба ҳамкории иқтисодӣ баргузор гардид, ки дар он масъалаҳои...

Тоҷикистон ва Юнон муносибатҳои дуҷониба ва бисёрҷонибаро рушд медиҳанд

 Муносибатҳои дуҷониба ва бисёрҷонибаи Тоҷикистон ва Юнон 1 декабр дар мулоқоти вазирони корҳои хориҷии ҳар ду кишвар Сироҷиддин Муҳриддин ва Никос Дендиас...

Тоҷикистон ва Финляндия масъалаҳои марбут ба амнияти минтақавиро муҳокима намуданд

Имрӯз, 1 декабр дар шаҳри шаҳри Лодзи Лаҳистон вохӯрии вазирони корҳои хориҷии Тоҷикистон ва Финляндия Сироҷиддин Муҳриддин ва Пекка Ҳаависто доир гардид....

Сироҷиддин Муҳриддин ва Мевлут Чавушоғлу дурнамои рушди муносибатҳои Тоҷикистон ва Туркияро баррасӣ карданд

 Имрӯз, 1 декабр дар шаҳри шаҳри Лодзи Ҷумҳурии Лаҳистон мулоқот  вазирони корҳои хориҷии Тоҷикистон ва Туркия Сироҷиддин Муҳриддин Мевлут Чавушоғлу баргузор гардид....

Related news

Дар Будапешт ҷаласаи Комиссияи муштараки Тоҷикистон ва Маҷористон оид ба ҳамкории иқтисодӣ доир гардид

Дар шаҳри Будапешти Ҷумҳурии Маҷористон ҷаласаи 2-юми Комиссияи байниҳукуматии Тоҷикистон ва Маҷористон оид ба ҳамкории иқтисодӣ баргузор гардид, ки дар он масъалаҳои...

Тоҷикистон ва Юнон муносибатҳои дуҷониба ва бисёрҷонибаро рушд медиҳанд

 Муносибатҳои дуҷониба ва бисёрҷонибаи Тоҷикистон ва Юнон 1 декабр дар мулоқоти вазирони корҳои хориҷии ҳар ду кишвар Сироҷиддин Муҳриддин ва Никос Дендиас...

Тоҷикистон ва Финляндия масъалаҳои марбут ба амнияти минтақавиро муҳокима намуданд

Имрӯз, 1 декабр дар шаҳри шаҳри Лодзи Лаҳистон вохӯрии вазирони корҳои хориҷии Тоҷикистон ва Финляндия Сироҷиддин Муҳриддин ва Пекка Ҳаависто доир гардид....

Сироҷиддин Муҳриддин ва Мевлут Чавушоғлу дурнамои рушди муносибатҳои Тоҷикистон ва Туркияро баррасӣ карданд

 Имрӯз, 1 декабр дар шаҳри шаҳри Лодзи Ҷумҳурии Лаҳистон мулоқот  вазирони корҳои хориҷии Тоҷикистон ва Туркия Сироҷиддин Муҳриддин Мевлут Чавушоғлу баргузор гардид....