21 октябр дар шаҳри Лвов мулоқоти Сафири Тоҷикистон дар Украина Давлаталӣ Назризода бо Раиси вилояти Лвови Украина Максим Козитский доир гардид.
Зимни суҳбат ҷонибҳо вазъи кунунӣ ва дурнамои ҳамкории Тоҷикистон ва Украинаро дар соҳаҳои иқтисоду савдо, саноат, энергетика, нақлиёту транзит, кишоварзӣ, маориф ва тандурустӣ мавриди баррасӣ қарор доданд.
Дар вохӯрӣ ба масъалаи таҳкими ҳамкорӣ миёни минтақаҳои Тоҷикистон ва Украина таваҷҷуҳи хосса зоҳир гардид.
Манбаъ: АМИТ «Ховар»