-8.7 C
Tajikistan
Tuesday, November 30, 2021

Маҳмадтоир Зокирзода бо раисони кумитаҳо ва комиссияҳо оид ба мудофиа ва амнияти парлумонҳои давлатҳои аъзои СААД мулоқот намуд

Имрӯз Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода бо ҳайати Маҷлиси ҳамоҳангсози раисони кумитаҳо (комиссияҳо) оид ба мудофиа ва амнияти парламентҳои кишварҳои узви СААД дар назди Шӯрои Ассамблеяи Парламентии СААД, ки дар ҷумҳурии мо бо сафари корӣ қарор доранд, мулоқот намуд.

Маҳмадтоир Зокирзода иброз намуд, ки  калиди муваффақияти ин ҳама комёбиҳо мавҷудияти иродаи қавӣ ва қатъии сиёсии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон  муҳтарам Эмомалӣ Раҳмон мебошад. Президенти Ҷумҳурии Тоҷикистон муҳтарам Эмомалӣ Раҳмон вазъи муҳими авзоро дар Афғонистон таҳлил карда, иброз намуданд, ки «мутаассифона, он чи ки дар Афғонистон рух медиҳад, хатари лағжиш ба вазъиятро афзун мекунад, ки ин кишвар метавонад дубора ба майдони терроризми байналмилалӣ табдил ёбад.

Ҷанг дар Афғонистон зиёда аз чилу панҷ  сол идома дорад ва он чизе ки ҳоло дар ин кишвар рух дода истодааст, айби мардуми афғон нест, балки оқибатҳои бозиҳои бузурги геополитикист.  Ман аз ҳама шарикон даъват мекунам, ки дар атрофи Афғонистон дар роҳи густариши эҳтимолии гурӯҳҳои террористӣ ба минтақаҳои СҲШ ва СААД камарбанди боэътимоди амниятӣ эҷод кунанд.

Раванди рӯйдодҳои ҷорӣ ва хатари баланди сенарияи фалокатбор зарурати дастгирии кишварҳоеро, ки бевосита бо Афғонистон ҳамсарҳаданд, тасдиқ мекунанд».

Раиси Маҷлиси намояндагон ҳамчунин иброз намуд, ки   иштироки шумо ҳамчун нозир дар машқҳои муштараки Неруҳои дастҷамъии вокуниши сареъи СААД- “Ҳамкорӣ-2021” намунаи равшани мониторинги парлумонии вазъи низомӣ-сиёсии минтақа мебошад, ки барои таъмини амнияти ҳарбии кишварҳои узви Созмон нигаронида шудааст.

Ҳадафи аслии тамринҳо нишон додани омодагии неруҳои СААД барои вокуниш ба таҳдидҳои нав ба нави амниятӣ дар минтақаи марзии Тоҷикистону Афғонистон мебошад. Бинобар рушди номусоиди рӯйдодҳо, вазъи кунунии Афғонистон ба мушкилоти асосии амният дар минтақа табдил ёфтааст. Мусаллам аст, ки вазъи ин кишвар бевосита ба амнияти Осиёи Марказӣ таъсир мерасонад. Афзоиши минбаъдаи ташаннуҷ дар Афғонистон метавонад боиси мушкилоти нав дар минтақаи масъулияти СААД гардад.

Ҷаласаи ахири Шӯрои амнияти дастаҷамъии СААД дар Душанбе, инчунин ҷаласаи муштараки сарони кишварҳои Созмони Ҳамкории Шанхай ва СААД оид ба Афғонистон таваҷҷуҳи ҷомеаи ҷаҳонро ба рушди ташвишовари рӯйдодҳои Афғонистон ҷалб намуд.

Машқҳои кунунии Неруҳои дастаҷамъии вокуниши сареъи СААД «Ҳамкорӣ-2021» дар вазъияти душвори ҷаҳон ҷараён доранд, ки равандҳои манфӣ дар соҳаи амнияти ҳарбӣ-сиёсӣ афзоиш меёбанд.

Иштирокчиёни мулоқот махсус таъкид намуданд, ки  рушди ҳамкории бисёрҷониба бо кишварҳои аъзои Созмони Аҳдномаи амнияти дастҷамъӣ яке аз самтҳои афзалиятноки сиёсати хориҷии Ҷумҳурии Тоҷикистон мебошад.

Дар мулоқот раиси кумитаи Маҷлиси намояндагон оид ба корҳои байналмилалӣ, иттиҳодияҳои ҷамъиятӣ ва иттилоот Саидмурод Фаттоҳзода, раиси кумитаи Маҷлиси намояндагон оид ба тартиботи ҳуқуқӣ, мудофиа ва амният Рустам Шоҳмурод иштирок намуданд.

Манбаъ: АМИТ «Ховар»

Latest news

Дар Маҷлиси намояндагон оид ба таҳияи лоиҳаи Кодекси иттилоот ҳамоиш доир шуд

Имрӯз бо ташаббуси кумитаи Маҷлиси намояндагон оид ба корҳои байналмилалӣ, иттиҳодияҳои ҷамъиятӣ ва иттилоот дар мавзӯи «Ташаббус оид ба таҳияи лоиҳаи Кодекси...

Хуршед Каримзода ва Ғода Волӣ таҳкими ҳамкории мақомоти гумруки Тоҷикистон бо UNODC-ро баррасӣ намуданд

Масъалаҳои мубрами тавсеаи ҳамкорӣ миёни мақомоти гумруки Тоҷикистон ва Дафтари Созмони Милали Муттаҳид /СММ/ оид ба маводи мухаддир ва ҷинояткорӣ (UNODC) имрӯз...

Пешвои миллат Эмомалӣ Раҳмон ба Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2022» имзо гузоштанд

 30 ноябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Қонуни Ҷумҳурии Тоҷикистон «Дар бораи Буҷети...

Муовини якуми Раиси Маҷлиси миллии Маҷлиси Олии Тоҷикистон бо муовини Раиси Шӯрои Федератсияи Маҷлиси Федералии Русия мулоқот намуд

Бо дастури Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами Эмомалӣ имрӯз дар бинои Маҷлиси миллии Маҷлиси Олии Ҷумҳурии Тоҷикистон мулоқоти...

Related news

Дар Маҷлиси намояндагон оид ба таҳияи лоиҳаи Кодекси иттилоот ҳамоиш доир шуд

Имрӯз бо ташаббуси кумитаи Маҷлиси намояндагон оид ба корҳои байналмилалӣ, иттиҳодияҳои ҷамъиятӣ ва иттилоот дар мавзӯи «Ташаббус оид ба таҳияи лоиҳаи Кодекси...

Хуршед Каримзода ва Ғода Волӣ таҳкими ҳамкории мақомоти гумруки Тоҷикистон бо UNODC-ро баррасӣ намуданд

Масъалаҳои мубрами тавсеаи ҳамкорӣ миёни мақомоти гумруки Тоҷикистон ва Дафтари Созмони Милали Муттаҳид /СММ/ оид ба маводи мухаддир ва ҷинояткорӣ (UNODC) имрӯз...

Пешвои миллат Эмомалӣ Раҳмон ба Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2022» имзо гузоштанд

 30 ноябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Қонуни Ҷумҳурии Тоҷикистон «Дар бораи Буҷети...

Муовини якуми Раиси Маҷлиси миллии Маҷлиси Олии Тоҷикистон бо муовини Раиси Шӯрои Федератсияи Маҷлиси Федералии Русия мулоқот намуд

Бо дастури Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами Эмомалӣ имрӯз дар бинои Маҷлиси миллии Маҷлиси Олии Ҷумҳурии Тоҷикистон мулоқоти...