Бизнес-форуми ширкатҳои кишоварзии тоҷику нидерландӣ 11 октябр дар Душанбе доир мегардад.
Вохӯрии соҳибкорон дар доираи ҳадафи тиҷоратии намояндагони ширкатҳои пешбари нидерландӣ дар Тоҷикистон ба нақша гирифта шудааст, ки аз 10 то 13 октябр идома меёбад.
Баргузоркунандагони ҳамоиш Палатаи савдо ва саноат, Вазорати кишоварзии Ҷумҳурии Тоҷикистон ва Сафорати Шоҳигарии Нидерландия мебошанд.
Ҳадафи гурӯҳи тиҷоратӣ — муайян кардани имконоти ҳамкорӣ дар соҳаи кишоварзӣ ва тавсеаи иқтидори кишоварзии Тоҷикистон мебошад.
Дар назар аст, ки дар бизнес-форум намояндагони Вазорати кишоварзии Тоҷикистон, Палатаи савдо ва саноат, Сафорати шоҳигарии Нидерландия, намояндагони ширкатҳои нидерландӣ сухан гӯянд.