Тавре қаблан АМИТ «Ховар» хабар дод, 26 август бо ташаббуси Президенти Шӯрои Аврупо Шарл Мишел суҳбати телефонии он ҷониб бо Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон доир гардид.
Зимни суҳбати телефонӣ ҷонибҳо мушкилоти Афғонистонро баррасӣ намуда, бо нигаронӣ рушди кунунии вазъи буҳронӣ дар ин кишварро зикр карданд.
Шарл Мишел дар саҳифаи худ дар «Твиттер», аз ҷумла зикр намудааст: «Ман бо Президенти Тоҷикистон Ҷаноби Олӣ Эмомалӣ Раҳмон оид ба вазъи Афғонистон ва пайомадҳои он ба кишварҳои Осиёи Марказӣ, инчунин изҳороте, ки ба наздикӣ Ҳукумати Тоҷикистон эълон дошт, мубодилаи афкор намудам.
Мо ҳамчунин дар хусуси таъсиси ҳукумати намояндагӣ ва фарогир дар Афғонистон, инчунин оид ба аҳамияти ҳамкории ду чониб дар идоракунии сарҳади Осиёи Марказӣ чиҳати мубориза бо терроризм ва қочоқи маводи мухаддир бо Ҷаноби Олӣ Эмомалӣ Раҳмон ба мувофиқа расидем. Мо бесаброна интизори мулоқот бо Ҷаноби Олӣ дар моҳи октябр дар Брюссел ҳастем».