17 май бо ташаббуси Дафтари минтақавии Созмони умумиҷаҳонии тандурустӣ (СУТ) дар Аврупо оид ба натиҷагирӣ аз фаъолияти намояндагиҳои СУТ дар давлатҳои минтақавӣ ҷаласаи онлайнӣ доир гардид.
Дар ҷаласаи мазкур Директори минтақавии Созмони умумиҷаҳонии тандурустӣ дар Аврупо Ҳанс Клюге, Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода, намояндагони вазоратҳои тандурустии Россия, Ӯзбекистон, Қазоқистон, Қирғизистон ва Туркманистон иштирок намуданд.
Зимни ҷаласаи онлайнӣ Директори минтақавии СУТ дар Аврупо Ҳанс Клюге доир ба фаъолияти намояндагиҳои Созмони умумиҷаҳонии тандурустӣ дар давлатҳои минтақавӣ сухан гуфт.
Дар ҷаласа Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода доир ба фаъолияти СУТ дар Тоҷикистон сухан кард.
Дар анҷом ҷонибҳо ҷиҳати боз ҳам тақвият бахшидани ҳамкорӣ ҳавасмандӣ иброз намуданд.
