Дар ҳошияи нишасти дуюми вазирони корҳои хориҷии «Осиёи Марказӣ — Чин», ки 11 май дар Сиан баргузор шуд, Вазири корҳои хориҷии Ҷумҳурии Тоҷикистон Сироҷиддин Муҳриддин бо Вазири корҳои хориҷии Ҷумҳурии Қирғизистон Руслан Казакбоев мулоқот кард.
Дар ҷараёни мулоқот ҷонибҳо масъалаҳои иҷрои ҳарчи зудтари тавофуқоти сарони давлатҳо, санадҳои ҳайатҳои ҳукуматӣ ва гурӯҳҳои кории ҷонибҳоро оид ба делимитатсия ва демаркатсияи сарҳади давлатии Тоҷикистон ва Қирғизистон баррасӣ намуданд.
Вазирони корҳои хориҷии Тоҷикистон ва Қирғизистон аҳамияти рушди минбаъдаи ҳамкории кишварҳоро дар соҳаҳои тиҷоративу иқтисодӣ, нақлиётӣ, энергетикӣ ва маориф зикр намуданд.
АКС аз ВКХ ҶТ