Лигаи футболи Тоҷикистон натиҷаҳои моҳи апрелро таҳлил карда, беҳтарин бозингар ва мураббии моҳро дар Чемпионати Тоҷикистон-2021 миёни дастаҳои Лигаи олӣ муайян намуд.
Беҳтарин бозингари моҳи апрел ҳамлавари дастаи футболи «Кӯктош»-и ноҳияи Рӯдакӣ Азизбек Султонов дониста шуд. Моҳи гузашта ӯ ду гол ба нишон расонида, дар ду рақобат беҳтарин бозингар дар майдон эътироф гардид.
Ҳамчунин беҳтарин мураббии моҳи апрел сармураббии дастаи футболи «Файзканд»-и ноҳияи Восеъ Тоҳир Муъминов эълон шуд. Зери роҳбарии Тоҳир Муъминов дастаи футболи «Файзканд»-и ноҳияи Восеъ дар чаҳор рақобат 8 имтиёз ба даст овард.
Пеш аз оғози даври шашуми Чемпионати Тоҷикистон-2021 миёни дастаҳои Лигаи олӣ ба ҳар кадом ҷоизадори моҳи апрел дар ҳаҷми 3 ҳазор сомонӣ мукофотпулӣ тақдим мегардад.