Аз 6 то 9 май дар маҷмааи давлатии «Кохи Борбад» намоиш—фурӯши молҳои истеҳсоли ватанӣ баргузор мегардад.
Тавре аз Палатаи савдо ва саноат иттилоъ доданд, намоиш-фурӯши молҳои истеҳсоли ватанӣ дар доираи лоиҳаи «Тамғаи писандидаи Тоҷикистон — 2021» доир гардида, дар он номгӯи зиёди маҳсулоти хӯрокворӣ, молҳо барои хона, маҳсулоти қаннодӣ, ҳасибӣ, нӯшокӣ, маҳсулоти ширӣ, ороишӣ, кимиёи маишӣ пешниҳоди харидорон гардонида мешаванд.
Дар намоиш-фурӯши мазкур истеҳсолкунандагон моли худро бо нархи яклухт ва аз нархи бозорҳо пасттар пешниҳоди ҳамагон мегардонанд. Меҳмонон ва сокинони пойтахт имкон доранд, ки дар баробари шиносоӣ бо намудҳои гуногуни маҳсулот, ҳамчунин онҳоро бо нархи арзон харидорӣ намоянд.
Манбаъ: АМИТ «Ховар»