10.5 C
Tajikistan
Friday, June 18, 2021

Абдуҷаббор Азизӣ ва Лю Бин вазъи кунунӣ ва дурнамои ҳамкории ҳизбиро баррасӣ намуданд

5 май дар дастгоҳи КИМ ҲХДТ мулоқоти муовини якуми Раиси ҲХДТ Абдуҷаббор Азизӣ бо Сафири Ҷумҳурии Мардумии Чин дар Ҷумҳурии Тоҷикистон  Лю Бин баргузор гардид. Зимни он вазъи кунунӣ ва дурнамои ҳамкории Ҳизби Халқии Демократии Тоҷикистон ва Ҳизби коммунистии Чин баррасӣ шуда, наздикии мавқеи ҷонибҳо оид ба аксари масъалаҳои калидии дуҷониба ва байналмилалӣ таъйид гардид. Дар ин бора аз  шуъбаи таблиғот ва ташвиқоти КИМ ҲХДТ иттилоъ доданд.

Дар мулоқот муовинони Раиси ҳизб Хайринисо Юсуфӣ ва Асрор Латифзода низ иштирок доштанд.

Абдуҷаббор Азизӣ ташрифи сафирро хуш пазируфта, оид ба раванди корҳои сохтмонӣ ва бунёдкорӣ дар кишвар ва иштироки ширкатҳои чинӣ дар ин марҳилаи бузурги созандагӣ маълумот дод. Гуфта шуд, ки имсол барои кишварҳои мо соли муҳим маҳсуб меёбад – истиқбол аз 30-солагии Истиқлоли давлатии Тоҷикистон ва 100-солагии Ҳизби коммунистии Чин.

Дар ҷараёни вохўрӣ, ки дар фазои эътимод ва ҳамдигарфаҳмӣ сурат гирифт, ба сатҳи шарикии ҳамаҷонибаи стратегӣ миёни Ҷумҳурии Тоҷикистон ва Ҷумҳурии Мардумии Чин баҳои баланд дода шуд.

Ҷонибҳо ба ҳамкории Ҳизби Халқии Демократии Тоҷикистон ва Ҳизби коммунистии Чин, ки дар асоси созишномаи ҳамкорӣ беш аз 10 сол татбиқ мегардад, баҳои муносиб дода, дар баробари мубодилаи муфассали афкор оид ба доираи васеи масъалаҳои дуҷониба, инчунин перомуни мавзӯъҳои мубрами рӯзномаи байналмилалӣ ибрози андеша карданд.

-Мо ҳамеша кумаки дӯстонаи шарики стратегии худ — Ҷумҳурии Мардумии Чинро дар ҳалли масъалаҳои барои ҷомеаи Тоҷикистон муҳим эҳсос менамоем, — гуфт. А.Азизӣ ва афзуд, ки мо дар Ҳизби Халқии Демократии Тоҷикистон оид ба идома додани мутобиқсозии Стратегияи миллии рушди Тоҷикистон барои давраи то соли 2030 бо ташаббуси «Як камарбанд — як роҳ» ва пешбурди минбаъдаи шарикии ҳамаҷонибаи стратегӣ, ки аз сиёсати хориҷии хирадмандонаи Раиси муаззами ҳизб муҳтарам Эмомалӣ Раҳмон бармеояд, изҳори омодагӣ менамоем.

Таъкид гардид, ки бунёди бузургтарин иншооти инфрасохторӣ ва рушди онҳо бо ҷалби доираҳои соҳибкории Чин дар мамлакат неруи тоза мегирад.

— Дар доираи ниҳодҳои байналмилалӣ мо ҳамеша дастгирӣ ва ҳамовозии Тоҷикистонро бо кишвари худ эҳсос мекунем ва аз ин раванд қаноатмандем. Имрӯз Чин бузургтарин сармоягузори Тоҷикистон маҳсуб ёфта, минбаъд низ ба ҳайси шарики стратегӣ дар ҳалли якчанд масъалаҳои муҳим кумак хоҳад расонид,-гуфт Лю Бин.

Ҳоло муносибатҳои ҳизбҳои сиёсӣ рушди наву динамикӣ касб намуда, саҳми бевоситаи раисони ҳизбҳои сиёсӣ дар ин марҳила хосатан таъкид гардид.

Манбаъ: АМИТ «Ховар»

Latest news

БО ҲИДОЯТҲОИ ПЕШВОИ МИЛЛАТ ҶУЗЪЕ АЗ ТАЪРИХИ СОЗАНДАГИҲО МЕГАРДЕМ!

Агар тайи ду даҳсолаи охир ба Паёмҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таваҷҷуҳ кунем,...

Вазири маориф ва илми Тоҷикистон ва мудири Дафтари минтақавии ЮНЕСКО масоили марбут ба соҳаи маорифро баррасӣ намуданд

Дар сиёсати хориҷии Тоҷикистон муносибатҳои дуҷониба ва ҳамкории бисёрҷониба бо созмонҳои байналмилалӣ ва минтақавӣ мавқеи махсус дорад. Яке аз ташкилоте, ки фаъолияташро...

Доир ба фаъолияти намояндагиҳои СУТ дар давлатҳои минтақавӣ ҷаласаи онлайнӣ баргузор гардид

17 май бо ташаббуси Дафтари минтақавии Созмони  умумиҷаҳонии тандурустӣ (СУТ) дар Аврупо оид ба натиҷагирӣ аз фаъолияти намояндагиҳои СУТ дар давлатҳои минтақавӣ...

Дар Душанбе ҷаласаи Шӯрои вазирони корҳои хориҷии СААД баргузор хоҳад шуд

19 май дар Душанбе ҷаласаи Шӯрои вазирони корҳои хориҷии Созмони Аҳдномаи Амнияти Дастаҷамъӣ (СААД) баргузор мешавад. Шӯрои вазирони СААД таҳти раёсати Вазири корҳои хориҷии Ҷумҳурии...

Related news

БО ҲИДОЯТҲОИ ПЕШВОИ МИЛЛАТ ҶУЗЪЕ АЗ ТАЪРИХИ СОЗАНДАГИҲО МЕГАРДЕМ!

Агар тайи ду даҳсолаи охир ба Паёмҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таваҷҷуҳ кунем,...

Вазири маориф ва илми Тоҷикистон ва мудири Дафтари минтақавии ЮНЕСКО масоили марбут ба соҳаи маорифро баррасӣ намуданд

Дар сиёсати хориҷии Тоҷикистон муносибатҳои дуҷониба ва ҳамкории бисёрҷониба бо созмонҳои байналмилалӣ ва минтақавӣ мавқеи махсус дорад. Яке аз ташкилоте, ки фаъолияташро...

Доир ба фаъолияти намояндагиҳои СУТ дар давлатҳои минтақавӣ ҷаласаи онлайнӣ баргузор гардид

17 май бо ташаббуси Дафтари минтақавии Созмони  умумиҷаҳонии тандурустӣ (СУТ) дар Аврупо оид ба натиҷагирӣ аз фаъолияти намояндагиҳои СУТ дар давлатҳои минтақавӣ...

Дар Душанбе ҷаласаи Шӯрои вазирони корҳои хориҷии СААД баргузор хоҳад шуд

19 май дар Душанбе ҷаласаи Шӯрои вазирони корҳои хориҷии Созмони Аҳдномаи Амнияти Дастаҷамъӣ (СААД) баргузор мешавад. Шӯрои вазирони СААД таҳти раёсати Вазири корҳои хориҷии Ҷумҳурии...