3 май дар Риёз мулоқоти Сафири Ҷумҳурии Тоҷикистон дар Подшоҳии Арабистони Саудӣ Акрам Каримӣ бо Муовини вазири корҳои хориҷии Арабистони Саудӣ дар умури бисёрҷонибаи байналмилалӣ Абдураҳмон Ал-Рассӣ баргузор гардид.
Дар мулоқот ба ҷониби саудӣ шарҳи муфассали ҳодисаҳои ахир дар минтақаҳои ҳаммарзи Тоҷикистон бо Қирғизистон ироа гардид ва дар ин замина нақши созандаи роҳбарияти Тоҷикистон ҷиҳати ба эътидол овардани вазъ ва ҳалли буҳрон таъкид шуд.
Гузашта аз ин, ҷонибҳо масъалаҳои ҳамкорӣ миёни ду кишварро дар чаҳорчӯби созмонҳои байналмилалӣ ва минтақавӣ баррасӣ карданд.
Манбаъ: ВКХ ҶТ