4 май муовини якуми Вазири корҳои хориҷии Ҷумҳурии Тоҷикистон Хусрав Нозирӣ Сафири Фавқулода ва Мухтори Ҷумҳурии Исломии Афғонистон Муҳаммад Зоҳир Ағбарро ба ҳузур пазируфт.
Дар мулоқот ҷанбаҳои гуногуни вазъи кунунии Афғонистон, бахусус раванди музокироти сулҳи байниафғонӣ, омодагӣ ба баргузории Конфронси сулҳ дар Истанбул, пайомадҳои эҳтимолии хуруҷи неруҳои хориҷӣ аз Афғонистон ва масъалаҳои дигари мавриди эҳтимоми муштарак баррасӣ шуданд.
Дар ин росто, таъкид гардид, ки Тоҷикистон ҳамеша аз мавқеи Ҳукумати Афғонистон ва кӯшишҳои ҷомеаи ҷаҳонӣ ҷиҳати таъмини амният ва сулҳу субот дар он кишвар ҳимоят мекунад.
Манбаъ: аз ВКХ ҶТ