17.2 C
Tajikistan
Monday, June 27, 2022

Моҳи май дар Тоҷикистон ҳаво гарм ва сербориш мешавад

Моҳи май дар Тоҷикистон ҳарорати миёнаи ҳаво тибқи меъёри иқлимӣ аз 2 то 3 дараҷа баланд, ҳамчунин миқдори  моҳонаи бориш дар ин  моҳ аз меъёри муқаррарӣ баланд ва дар баъзе ноҳияҳо паст пешгӯӣ мешавад.

Дар ин бора аз Агентии обуҳавошиносии  Кумитаи ҳифзи муҳити зисти назди Ҳукумати Ҷумҳурии Тоҷикистон хабар доданд.

Ҳарорати миёнаи моҳонаи ҳаво дар вилояти Хатлон ва водиҳои ноҳияҳои тобеи ҷумҳурӣ аз меъёри иқлимӣ 2,0- 4,0 дараҷа баланд (меъёр дар водиҳо 20+25 ва доманакӯҳҳо 16+17 дараҷа) шуда, ҳаво дар водиҳо 21+28 ва дар ноҳияҳои доманакӯҳӣ 18+19 дараҷаро ташкил медиҳад.

Давоми моҳ тағйирёбии ҳарорати  рӯзонаи ҳаво дар назар буда, дар ноҳияҳои водигӣ рӯзона аз 25+30 то 30+35 дараҷа гарм мешавад. Дар ноҳияҳои ҷанубӣ то +38 дараҷа гармӣ дар назар аст. Дар ноҳияҳои доманакӯҳӣ тағйирёбии вазъи ҳаво дар назар буда, аз 20+25 то 25+30 ва шабона 8+13 дараҷа гармӣ пешбинӣ мешавад.

Давоми моҳ ҳавои тағйирёбанда дар назар буда, дар баъзе ҳолатҳо боронҳои шиддатнокиашон гуногун борида, раъду барқ ба амал меояд. Боридани жола низ аз эҳтимол дур нест. Вазъи миёнаи ҳавои моҳи майи соли 2021 дар ноҳияҳои вилояти Хатлон ва минтақаҳои водигии ноҳияҳои тобеи ҷумҳурӣ нисбат ба моҳи майи соли гузашта аз меъёр 1-2 дараҷа гармтар пешбинӣ шудааст.

Моҳи май дар  вилояти Суғд ҳарорати миёнаи моҳона аз меъёри иқлимӣ 1 дараҷа баландтар пешгӯӣ шуда, ҳаво дар водиҳо 22+23, дар ноҳияҳои кӯҳӣ 9+14 дараҷа гармиро  ташкил медиҳад.

Давоми моҳ дар ин минтақа тағйирёбии ҳарорати рӯзонаи ҳаво дар назар буда, рӯзона дар водиҳо ҳаво аз 24+29 то 30+35 дараҷа гарм мешавад. Миқдори  моҳонаи бориш дар моҳи майи соли 2021 дар қисми зиёди ноҳияҳо аз меъёри муқаррарӣ зиёд  пешгӯӣ мешавад. Давоми моҳ ҳавои тағйирёбанда дар назар буда, боронҳои  шиддатнокиашон гуногун ва раъду барқ ба амал меояд. Дар баъзе ноҳияҳо эҳтимол жола борад. Вазиши шамол аз самти ғарб бо шиддати то 20-25 метр дар як сония пешгӯӣ мешавад.  Ҳарорати миёнаи ҳавои  моҳи майи соли 2021  дар вилояти Суғд нисбат ба моҳи майи соли гузашта  баробар пешбинӣ шудааст.

Ҳарорати миёнаи  ҳаво дар  минтақаҳои кӯҳии ноҳияҳои тобеи ҷумҳурӣ ва ғарби Вилояти Мухтори Кӯҳистони Бадахшон  моҳи май аз меъёри иқлимӣ +1,5 дараҷа баландтар пешгӯӣ шудааст. Дар ин моҳ ҳаво дар минтақаҳои кӯҳии ноҳияҳои тобеи марказ 13+17, дар ноҳияҳои ғарбии ВМКБ 14+16 дараҷа гармиро ташкил медиҳад.

Дар ноҳияҳои кӯҳии навоҳии тобеи ҷумҳурӣ тағйирёбии ҳарорати рӯзонаи ҳаво дар назар буда, ҳаво рӯзона аз 15+20 то 23+28 дараҷа гарм мешавад. Дар ноҳияҳои ғарбии ВМКБ низ тағйирёбии ҳарорати рӯзонаи ҳаво дар назар буда, аз 17+22 то 23+28 дараҷа гарм мешавад.

Дар бештари ноҳияҳо ба амал омадани бориши аз меъёри иқлимӣ зиёд пешгӯӣ мешавад.  Асосан дар минтақаҳои кӯҳии ноҳияҳои тобеи ҷумҳурӣ  бориши шиддатнокиашон зиёд дар назар дошта шудааст.

Ҳарорати миёнаи моҳонаи ҳавои моҳи майи соли 2021  дар минтақаҳои кӯҳии ноҳияҳои тобеи ҷумҳурӣ ва ғарби Вилояти Мухтори Кӯҳистони Бадахшон нисбат ба моҳи майи соли гузашта дар  ҳудуди меъёр пешбинӣ шудааст.

Моҳи май дар  шарқи Вилояти Мухтори Кӯҳистони Бадахшон ҳаво аз меъёри иқлимӣ +2 дараҷа гармтар пешгӯӣ шудааст. Давоми моҳ тағйирёбии ҳарорати ҳаво дар назар буда, рӯзона ҳаво аз 8+13 то 13+18 дараҷа гарм мешавад. Миқдори  моҳонаи бориш моҳи майи соли 2021 аз меъёри иқлимӣ паст пешгӯӣ шудааст. Давоми моҳ дар  шарқи Вилояти Мухтори Кӯҳистони Бадахшон ҳавои тағйирёбанда дар назар буда, дар баъзе ҳолатҳо бориши борон ва барф ба амал меояд. Рӯзҳои алоҳида шамол аз самти ғарб бо шиддати то 15-20 метр дар як сония  мевазад. Ҳарорати миёнаи моҳонаи ҳавои нисбат ба моҳи майи соли гузашта аз меъёри иқлимӣ 1 дараҷа  баландтар дар назар аст.

Манбаъ: АМИТ «Ховар»

Latest news

ТАВАҶҶУҲ! Дар Тоҷикистон ҳавои боронии 17-21 июн метавонад хатари омадани селро зиёд кунад

Тибқи маълумоти Агентии обуҳавошиносии мамлакат, аз 17 то 21 июни соли равон дар як қатор ноҳияҳои кӯҳӣ ва назикӯҳии ҷумҳурӣ,  ба истиснои...

Насрулло Маҳмудзода дар ҷаласаи котибони шӯроҳои амнияти кишварҳои узви СААД дар Ереван ширкат варзид

 Кишварҳои узви Созмони Аҳдномаи амнияти дастҷамъӣ (СААД) бояд ҳамкории сиёсиро дар ҳама сатҳҳо ва майдонҳо тақвият бахшанд. Дар ин бора дар ҷаласаи котибони шӯроҳои амнияти ин кишварҳо, ки дирӯз,17 июн дар Ереван баргузор гардид, изҳор шуд карда шуд. Дар ҷаласа котиби Шӯрои амнияти Тоҷикистон Насрулло Маҳмудзода низ иштирок дошт. Котибони шӯроҳои амният тадбирҳои безараргардонии чолишҳо ва таҳдидҳо ба амнияти кишварҳои узви СААД-ро баррасӣ намуда, ҳамчунин як қатор...

Иқтидори сайёҳии Тоҷикистон дар Фестивали 10-уми байналмиллалии фарҳангӣ дар шаҳри Боку муаррифӣ шуд

17 июн Сафорати Ҷумҳурии Тоҷикистон дар шаҳри Боку дар Фестивали 10-уми байналмилалӣ оид ба рӯнамоии таъриху фарҳанги кишварҳои хориҷӣ иштирок намуд. Дар...

Бонки миллии Тоҷикистон ҳамкориро бо Хазинаи байналмилалии асъор тақвият мебахшад

Масъалаҳои таҳкими равобити дуҷониба байни Бонки миллии Тоҷикистон (БМТ) ва Хазинаи байналмилалии асъор (ХБА) дар мулоқоти Раиси Бонки миллӣ Ҳоким Холиқзода бо...

Related news

ТАВАҶҶУҲ! Дар Тоҷикистон ҳавои боронии 17-21 июн метавонад хатари омадани селро зиёд кунад

Тибқи маълумоти Агентии обуҳавошиносии мамлакат, аз 17 то 21 июни соли равон дар як қатор ноҳияҳои кӯҳӣ ва назикӯҳии ҷумҳурӣ,  ба истиснои...

Насрулло Маҳмудзода дар ҷаласаи котибони шӯроҳои амнияти кишварҳои узви СААД дар Ереван ширкат варзид

 Кишварҳои узви Созмони Аҳдномаи амнияти дастҷамъӣ (СААД) бояд ҳамкории сиёсиро дар ҳама сатҳҳо ва майдонҳо тақвият бахшанд. Дар ин бора дар ҷаласаи котибони шӯроҳои амнияти ин кишварҳо, ки дирӯз,17 июн дар Ереван баргузор гардид, изҳор шуд карда шуд. Дар ҷаласа котиби Шӯрои амнияти Тоҷикистон Насрулло Маҳмудзода низ иштирок дошт. Котибони шӯроҳои амният тадбирҳои безараргардонии чолишҳо ва таҳдидҳо ба амнияти кишварҳои узви СААД-ро баррасӣ намуда, ҳамчунин як қатор...

Иқтидори сайёҳии Тоҷикистон дар Фестивали 10-уми байналмиллалии фарҳангӣ дар шаҳри Боку муаррифӣ шуд

17 июн Сафорати Ҷумҳурии Тоҷикистон дар шаҳри Боку дар Фестивали 10-уми байналмилалӣ оид ба рӯнамоии таъриху фарҳанги кишварҳои хориҷӣ иштирок намуд. Дар...

Бонки миллии Тоҷикистон ҳамкориро бо Хазинаи байналмилалии асъор тақвият мебахшад

Масъалаҳои таҳкими равобити дуҷониба байни Бонки миллии Тоҷикистон (БМТ) ва Хазинаи байналмилалии асъор (ХБА) дар мулоқоти Раиси Бонки миллӣ Ҳоким Холиқзода бо...