10.8 C
Tajikistan
Friday, September 30, 2022

Шоири тоҷик бо ҷоизаи мӯътабари адабии Россия- медали «Иван Бунин» сарфароз гардид

Бо қарори Президиуми Иттифоқи нависандагони Россия шоир, журналист ва тарҷумони маъруфи тоҷик Карим Ҳайдар, ки  ба ҷоизаи мӯътабари адабии Россия — «Шоири сол»  пешбарӣ шуда буд, бо медали «Иван Бунин» сарфароз гардонида шуд.

Ҷоизаи мазкур ба муносибати 150-умин солгарди таваллуди Иван Бунин- нахустин лауреати ҷоизаи Нобел дар соҳаи адабиёт таъсис дода шудааст.  Ин медал ба номзадҳои ҷоизаи миллии адабии «Шоири сол», инчунин ба шахсоне супорида мешавад, ки дар рушди адабиёти рус саҳми назаррас доранд. Ҷоизаи мазкур аз ҷониби Иттифоқи нависандагони Россия  таъсис дода шуда, соле як маротиба тариқи озмун ба шахсони арзанда тақдим мегардад.

Маросими супоридани медалҳо дар толори консертии ҳукумати Москва 21 марти соли 2021 дар доираи таҷлили Рӯзи ҷаҳонии шеър доир  мешавад.

Ёдовар бояд шуд ки Карим Ҳайдар  соли 2020 бо медали  «Сергей Есенин» ва ситораи «Наследие» сарфароз гардонида шуда, ба ӯ ҳуқуқи нашр кардани шеърҳо дар маҷмӯаҳои асарҳои нависандагони гуногун (алманах)- ҳои адабии «Русь моя»,  «Наследие» ва «Поэт года» дода шуд. Ҳамчунин ба ҷоизаи адабии Россия «Шоири сол» пешбарӣ гардида буд.

Зимни суҳбати телефонӣ бо мухбири АМИТ «Ховар» Фирӯзаи ДАВЛАТ   Карим ҲАЙДАР чунин гуфт:

«Хабар дар бораи бо медали «Иван Бунин» мукофотонида шуданам  бароям рӯйдоди муҳим дар фаъолияти эҷодӣ, инчунин шодӣ ва ифтихори бузург дар  60-солагиам мебошад. Солгард бароям ҷамъбасти натиҷаҳо ва рӯйдодест барои тавсифи нақшаҳо ва самтҳои нави эҷодӣ».

МАЪЛУМОТНОМАИ АМИТ «ХОВАР»:

Карим Ҳайдар 6 январи соли 1961 дар шаҳри  Истаравшани вилояти Суғд, дар оилаи рӯзноманигор ва нависанда Раҳим Ҳайдар таваллуд шудааст.

Аз соли 2006  дар телевизиони «Тоҷикистон» кор мекунад.

Ӯ ба забони русӣ шеърҳо, ҳикояҳо, драмаҳо ва очеркҳо менависад, ки баъзеи онҳо дар нашрияҳои даврии ИДМ нашр карда шудаанд.

Муаллифи маҷмӯаҳои шеърии «Голоса предков», «Дыхание любви», «Город за холмом», «Голос народной совести», «Любовь огнепоклонника», «Гиссарская баллада» ва китобҳои публитсистии «Через всю жизнь»  ва «Военный комиссар» мебошад.

Муаллифи тарҷумаи Суруди миллии Ҷумҳурии Тоҷикистон аз забони тоҷикӣ ба русӣ мебошад. Ӯ як қатор асарҳои шоирону нависандагони тоҷикро ба забони русӣ тарҷума кардааст.

Муаллифи барномаҳо ва филмҳои ҳуҷҷатии «Путь Лидера нации»,  «Адам поэтов»,  «Вдохновение», «Роберт Рождественский», «Тимур Зульфикаров», «Михаил Синельников — поэт и переводчик», «Таджикский Штирлиц», «Панорама», «Цветник дружбы» ва ғайраҳо мебошад.

Узви Иттифоқи нависандагони Тоҷикистон.

Узви Иттифоқи журналистони Тоҷикистон.

Аълочии телевизион ва радиои Тоҷикистон.

Бо Фармони Президенти Ҷумҳурии Тоҷикистон бо медали «Хизмати шоиста» сарфароз гардидааст.

Бо медали Ширкати байнидавлатии телевизион ва радиои «Мир» мукофотонида шудааст. Соли 2018 бо ордени Россия «Достоевский, дараҷаи I» сарфароз гардидааст.

Иттифоқи нависандагони Россия Карим Ҳайдарро бо ситораи  «Наследие» ва медали  «Сергей Есенин» қадрдонӣ кардааст.  Ҳамзамон  Карим Ҳайдар ба гирифтани ҷоизаи адабии «Поэт года» — «Шоири сол» барои соли 2020 пешбарӣ гардида буд. Ӯ муаллифи матни суруди (гимни) Донишгоҳи славянии Россияву Тоҷикистон мебошад.

Latest news

«БЕХАТАРИИ ОБӢ – АСОСИ РУШДИ УСТУВОР». Таҳти ин унвон дар Душанбе Конференсияи байналмилалии илмӣ-амалӣ доир мегардад

 Конференсияи байналмилалии илмӣ-амалии «Бехатарии обӣ – асоси рушди устувор» бахшида ба Даҳсолаи байналмилалии амал «Об барои рушди уствувор, солҳои 2018- 2028» ва...

Пешвои миллат Эмомалӣ Раҳмон дастур доданд, ки Маркази миллии тарҷумаи назди Ҳукумати Тоҷикистон таъсис дода шавад

Имрӯз Пешвои миллат муҳтарам Эмомалӣ Раҳмон супориш доданд, ки Маркази миллии тарҷумаи назди Ҳукумати Ҷумҳурии Тоҷикистон таъсис дода шавад, хабар медиҳад АМИТ...

Сарвари давлат Эмомалӣ Раҳмон дар шаҳри Душанбе Муассисаи таҳсилоти миёнаи умумии хусусии «Гимназияи Нуриддин»-ро мавриди баҳрабардорӣ қарор доданд

27 сентябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси Маҷлиси миллии Маҷлиси Олии Ҷумҳурии...

Президенти мамлакат Эмомалӣ Раҳмон бо аҳли маорифи пойтахт дар Донишкадаи давлатии забонҳои Тоҷикистон ба номи Сотим Улуғзода мулоқот намуданд

27 сентябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баъди ифтитоҳи биноҳои нави Донишкадаи давлатии забонҳои...

Related news

«БЕХАТАРИИ ОБӢ – АСОСИ РУШДИ УСТУВОР». Таҳти ин унвон дар Душанбе Конференсияи байналмилалии илмӣ-амалӣ доир мегардад

 Конференсияи байналмилалии илмӣ-амалии «Бехатарии обӣ – асоси рушди устувор» бахшида ба Даҳсолаи байналмилалии амал «Об барои рушди уствувор, солҳои 2018- 2028» ва...

Пешвои миллат Эмомалӣ Раҳмон дастур доданд, ки Маркази миллии тарҷумаи назди Ҳукумати Тоҷикистон таъсис дода шавад

Имрӯз Пешвои миллат муҳтарам Эмомалӣ Раҳмон супориш доданд, ки Маркази миллии тарҷумаи назди Ҳукумати Ҷумҳурии Тоҷикистон таъсис дода шавад, хабар медиҳад АМИТ...

Сарвари давлат Эмомалӣ Раҳмон дар шаҳри Душанбе Муассисаи таҳсилоти миёнаи умумии хусусии «Гимназияи Нуриддин»-ро мавриди баҳрабардорӣ қарор доданд

27 сентябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси Маҷлиси миллии Маҷлиси Олии Ҷумҳурии...

Президенти мамлакат Эмомалӣ Раҳмон бо аҳли маорифи пойтахт дар Донишкадаи давлатии забонҳои Тоҷикистон ба номи Сотим Улуғзода мулоқот намуданд

27 сентябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баъди ифтитоҳи биноҳои нави Донишкадаи давлатии забонҳои...