Дар ҳоле ки маҳдудияти вобаста ба пандемия дар мавриди сафарҳо амал мекунанд, ҷинояткорон бо истифода аз фурсат шаҳодатномаҳои қалбакии озмоиши тестии COVID-19-ро дар кишварҳои аврупоӣ таҳия ва мефурӯшанд, иттилоъ медиҳад Euronews.
Тибқи иттилои Европол, аллакай чанд воқеаи аз тариқи интернет ва чатҳо ба сайёҳон фурӯхтани шаҳодатномаҳои қалбакии санҷиши тестӣ ҷиҳати муайян намудани коронавирус ошкор карда шудааст.
Ҷиҳати таҳияи шаҳодатномаҳои қалбакӣ ҷинояткорон аз принтерҳои баландсифат ва нармафзорҳои гуногун истифода мебаранд. Дар натиҷа асноди қалбакиро аз нусхаи аслӣ фарқ кардан қариб ғайриимкон аст.
Дар Британияи Кабир қаллобон шаҳодатномаҳои қалбакиро бо қимати 100 фунт пешниҳод мекунанд, дар Испания ин хидмат 40 евро арзиш дорад.