Департаменти давлатии ИМА гурӯҳи Сарая ал-Мухтор аз Баҳрайнро ба рӯйхати террористон шомил кард, ки ба ақидаи Вашингтон, онро Эрон дастгирӣ мекунад, хабар медиҳад АМИТ “Ховар” бо истинод ба ТАСС.
Тибқи изҳороти рӯзи сешанбе паҳншудаи котиби давлатӣ Майкл Помпео, Сарайя ал-Мухтор “хатари ҷиддии содир намудани ҳамлаҳои террористӣ дорад, ки ба амнияти миллии ИМА ва сиёсати хориҷӣ таҳдид мекунад».
Ба гуфтаи Майкл Пампео, ин гурӯҳ «аз Сипоҳи Посдорони Инқилоби Исломии Эрон дастгирии молӣ ва моддӣ меёбад.» «Ҳадафи Сароя ал-Мухтор сарнагун кардани ҳукумати Баҳрайн ва тоза кардани роҳ барои нуфузи бештари Эрон дар кишвар аст. Ин гурӯҳ ҳамлаҳо ба кормандони Амрикоро дар Баҳрайн ба нақша гирифтааст ва барои куштори мансабдорони Баҳрайн подош пешниҳод кардааст»,- иброз намуд котиби давлатӣ.
Ба гуфтаи номбурда, шомил шудан ба феҳристи террористӣ ин гурӯҳро аз дастрасӣ ба низоми молии ИМА маҳрум мекунад.