-13.4 C
Tajikistan
Tuesday, January 31, 2023

Дар Форуми ҷумҳуриявии иқтисодӣ дар Суғд таъмини рушди устувор ва рақобатпазирии иқтисодиёт баррасӣ гардид

Бахшида ба ҷашни 30-солагии Истиқлоли давлатии Ҷумҳурии Тоҷикистон, инчунин тибқи Нақшаи баргузории чорабиниҳои илмӣ ва илмию техникӣ дар Ҷумҳурии Тоҷикистон дар Донишгоҳи давлатии ҳуқуқ, бизнес ва сиёсати Тоҷикистон дар вилояти Суғд дар мавзӯи «Таъмини рушди устувор ва рақобатпазирии иқтисодиёти Тоҷикистон дар шароити ҷаҳонишавӣ» Форуми ҷумҳуриявии иқтисодӣ баргузор гардид.

Бино ба иттилои хабарнигори минтақавии АМИТ «Ховар» дар ин вилоят,   Форуми мазкур бо назардошти меъёрҳои беҳдошти санитарӣ дар сатҳи баланди ташкилӣ доир гардида, дар кори он Вазири маориф ва илми Ҷумҳурии Тоҷикистон, академик Муҳаммадюсуф Имомзода ва директори Институти иқтисодиёт ва демографияи Академияи миллии илмҳои ҶТ, профессор Шариф Раҳимзода- ҳарду тариқи он-лайн,  муовини аввали Вазири рушди иқтисод ва савдои Ҷумҳурии Тоҷикистон Ашӯрбой Солеҳзода, муовини раиси вилояти Суғд Анвар Яъқубӣ, доираи васеи соҳибкорони ватанӣ, намояндагони МОИ «Суғд», бонкҳои дар вилоят амалкунанда, инчунин коршиносон, олимону мутахассисони соҳа ва устодону донишҷӯёни донишгоҳ иштирок намуданд.

Ректори донишгоҳ, профессор Муъмин Шарифзода зикр дошт, ки таъмини рушди босуботи иқтисодӣ, фароҳам овардани фазои мусоид барои рушди соҳибкорӣ, ҷалби сармоя ва воридоти технологияҳои пешрафта, ташкили ҷойҳои нави корӣ ва ба ин васила таъмини зиндагии шоистаи аҳолӣ аз масъалаҳои асосии давлату Ҳукумати мамлакат мебошанд.

Зикр гардид, ки баргузории Форуми иқтисодии ҷумҳуриявӣ бо ҷалби олимону мутахассисони соҳавӣ дар таъмини рушди устувор ва рақобатпазирии иқтисодиёти Тоҷикистон дар шароити ҷаҳонишавӣ омили муҳим хоҳад буд.

Вазири маориф ва илми Ҷумҳурии Тоҷикистон, академик Муҳаммадюсуф Имомзода ва директори Институти иқтисодиёт ва демографияи Академияи миллии илмҳои ҶТ, профессор Шариф Раҳимзода тариқи онлайн вобаста ба аҳамияти ташкили Форум, дарёфти роҳҳои таъмини рушди босуботи иқтисодӣ, ба ин васила боз ҳам баланд бардоштани сатҳи рақобатпазирии мамлакат дар шароити имрўзаи ҷаҳонишавӣ ва фароҳам овардани заминаи мусоид ҷиҳати ҳамбастагии илму истеҳсолот пешниҳодҳои худро иброз намуданд.

Дар қисми дувуми кори форум бо иштироки соҳибкорону роҳбарони коргоҳҳои муваффақи истеҳсолии миқёси вилоят, намояндагони бонкҳои дар вилоят амалкунанда бо ҳайати устодону донишҷӯёни донишгоҳ мизи мудаввар доир гардида, маърӯзаҳо дар мавзӯъҳои «Иқтидори иқтисодии вилояти Суғд», «Нақши коргоҳҳои истеҳсоливу кишоварзӣ дар рушди соҳаи саноатикунонӣ ва кишоварзӣ», «Баланд бардоштани дониши иқтисодии соҳибкорон дар шароити муосир (ҷаҳонишавӣ)»,  «Аҳамияти малакаҳои касбии мутахассисон дар таъмини рушди устувори иқтисодиёти миллӣ» шунида шуданд.

Зикр гардид, ки маҳз бо татбиқи дастовардҳои илмӣ дар истеҳсолот сатҳу сифати маҳсулоти истеҳсолшаванда беҳтар гардида, ба талаботи меъёрҳои байналмилалӣ ҷавобгӯ шуда, миқдори маҳсулоти содиротӣ ва воридотивазкунанда меафзояд. Ин омилҳо метавонанд ба рушди босуботи иқтисодиёти мамлакат таъсири мусбат расонанд.

Latest news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...

Related news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...