Дар партави омодагӣ ба 30-юмин солгарди Истиқлоли давлатии Ҷумҳурии Тоҷикистон ва сабзу хуррам гардонидани маҳали зист дар шаҳри Ҳисор мавсими сабзазоркунӣ ва ниҳолшинонӣ оғоз ёфта, бо суръат идома дорад. Дар ҷараёни он қариб 1000 бех дарахтони ҳамешасабз ва сояафкан шинонида шуданд.
Дар маъракаи сабзазоркунӣ ва ниҳолшинонӣ, ки ба сабзу хуррам гардонидани муҳити атроф мусоидат менамояд, кормандони мақомоти шаҳрӣ, аз қабили кормандони шуъбаи ҳифзи муҳити зист, ташкилоту муассисаҳо ва ҷамоатҳои шаҳраку деҳоти шаҳр фаъолона иштирок намуданд.
Ҳадаф аз баргузории маъракаи мазкур-ободонӣ ва сабзу хуррамгардонии кӯчаю маҳаллаҳои шаҳр мебошад.