10:13, 25 Июни 2017
соат бо вақти Душанбе, GMT+5
Муассисаи давлатии
"Ҷаҳоннамо"

Тақвим

<< < Июн 2017 > >>
Дш Сш Чш Пш Ҷм Шб Яш
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Ҳамкорон





 

Обу ҳаво

Расмикунонии будубоши муҳоҷирони тоҷик дар Россия имрӯз анҷом меёбад

Дар масҷиди марказии ҷомеаи ноҳияи Шаҳринав бо иштироки беш аз 1000 нафар

сокинон дар мавриди моҳияти расмикунонии будубоши шаҳрвандони Ҷумҳурии Тоҷикистон дар Федератсияи Россия корҳои фаҳмондадиҳӣ гузаронида шуданд. Тавре ки аз Хадамоти муҳоҷирати Вазорати меҳнат, муҳоҷират ва шуғли аҳолии кишвар хабар доданд, тибқи қарори Вазорати корҳои дохилии Федератсияи Россия дар муҳлати як моҳ-аз 25 март то 24 апрели соли 2017 дар тамоми қаламрави Федератсияи Россия барои шаҳрвандони Ҷумҳурии Тоҷикистон ҷиҳати расмикунонии истиқомат тавассути бақайдгузорӣ дар мақомоти муҳоҷират ва тамдиди муҳлати будубош имконият дода мешавад. Муҳибулло Бобоев, мудири бахши Хадамоти муҳоҷират дар ноҳияи Шаҳринав зикр намуд, ки дар ин муддат шаҳрвандони Ҷумҳурии Тоҷикистон барои вайрон кардани қоидаҳои будубош ва фаъолияти меҳнатии қаблӣ ба ҷавобгарии маъмурӣ кашида намешаванд. «Инчунин шахсоне, ки дар ҳудуди Федератсияи Россия муҳлати будубошашон гузаштааст, метавонанд, ба шуъбаҳои мақомоти муҳоҷирати Федератсияи Россия муроҷиат намоянд ва ба онҳо барои қонунӣ гардонидани будубош корти муҳоҷиратии нав, бо нишон додани мақсади вуруд ва қайди муҳоҷиратӣ ба муҳлати 90 рӯз дода мешавад. Онҳо имкон доранд дар ин муҳлат будубоши худро расмӣ гардонанд. Дар ҳолати гум кардан ва ё надоштани корти муҳоҷиратӣ ба шаҳрвандон корти муҳоҷиратии нав бо ҳуқуқи истиқомат ба муҳлати 90 рӯз дода мешавад»,-илова намуд Муҳибулло Бобоев. Бино ба гуфтаи мусоҳиб, дар ин муддат тамоми қарорҳои Сарраёсат оид ба масъалаҳои муҳоҷирати Вазорати корҳои дохилии Федератсияи Россия оид ба манъи вуруди шаҳрвандони мо, ки дар асоси бандҳои 4 ва 8 моддаи 26 Қонуни Федератсияи Россия «Оид ба тартиби воридшавӣ ба Федератсияи Россия ва хориҷшавӣ аз Федератсияи Россия» қабул гардида буданд, бекор карда мешаванд. «Тартиби мазкур нисбат ба шаҳрвандони Ҷумҳурии Тоҷикистон, ки бо қарорҳои судӣ аз қаламрави Федератсияи Россия берун ва депортатсия шудаанд, татбиқ намегардад. Шаҳрвандоне, ки дар асоси моддаҳои дигари қонунҳои Федератсияи Россия воридшавиашон ба Федератсияи Россия манъ шудааст (бинобар содир кардани ҷиноят, доштани бемориҳои сироятӣ ва ғайра) ба ин категория дохил намешаванд»,-зикр намуд Муҳибулло Бобоев, мудири бахши Хадамоти муҳоҷират дар ноҳияи Шаҳринав. Зикр шуд, ки воридшавии муҳоҷирони меҳнатӣ-шаҳрвандони Ҷумҳурии Тоҷикистон, ки дар асоси бандҳои 4 ва 8 моддаи 26 Қонуни Федератсияи Россия «Оид ба тартиби воридшавӣ ба Федератсияи Россия ва хориҷшавӣ аз Федератсияи Россия» ба Федератсияи Россия манъ гардидааст ва айни замон дар Ҷумҳурии Тоҷикистон қарор доранд, дар ин муддат иҷозати дубора воридшавӣ ба Федератсияи Россияро пайдо менамоянд. Бинобар ин, аз сокинон хоҳиш карда шуд, ки пеш аз сафар барои муайян намудани ҳолати кор ба бахши Хадамоти муҳоҷират дар ноҳия муроҷиат намоянд.