Япония: Обхезӣ 157 касро кушт

Шумораи ҳалокшудагон бар асари обхезӣ дар Япония ба 157 нафар расид.

Ғайр аз ин дар пайи ба амал омадани офати табиӣ 60 каси дигар зарар дида, 2 ҳазор сокини минтақаҳои аҳолинишин аз набудани оби ошомиданӣ ранҷ мебаранд. Аз боришоти зиёди борон ва обхезӣ бештар префектураҳои Хиросима ва Окаяма зарар диданд. Дар натиҷа омадани сел роҳу пулҳо вайрону валангор гардида, ҳаракати нақлиёт ба баъзе минтақаҳо тамоман ғайриимкон гашт. Ҳукуматдорон аз сари вақт дастрас нашудани кӯмак ба сокинони зарардида изҳори нигаронӣ мекунанд.