Ҷакарта дар ҳалқаи обхезиҳо

Бар асари боришоти шадид пойтахти Индонезия шаҳри Ҷакарта

дар муҳосираи обхезӣ қарор дорад. Аз офати таббиӣ тақрибан 5 ҳазор нафар сокинони кишвар зарар диданд. Бар асари обхезӣ 5 нафар ба ҳалокат расида, даҳ тани дигар дар рӯйхати шахсони бедаракгардида қарор дорад. Ҳамзамон иттилоъ дода мешавад, ки дар пайи боришот ва обхезӣ садҳо биноҳои истиқоматӣ ва иншооти дигар пурра хароб гардиданд. Мутахассисон ба офати таббиӣ дараҷаи баландтарини хатарро нисбат доданд. Мувофиқи пешгӯии мутахассисони маркази обуҳавошиносии кишвар чунин номусоидии ҳаво дар мамлакат боз чанд рӯзи дигар идома хоҳад ёфт. Кормандони Хадамоти наҷотдиҳӣ ва ҳолатҳои фавқулодда дар минтақаҳои зарардида фаъолият дошта, аҳолиро ба минтақаҳои амн таҳвил медиҳанд.