Террористи маргталаб нақлиётро миёни анбӯҳи одамон инфиҷор кард

Дар шаҳри Ҷаблаи вилояти Латакияи Сурия таркиш ба амал омад.

Бар асари ҳодиса 15 нафар ба ҳалокат расида, 45 каси дигар ҷароҳат бардошт. Бино ба маълумоти мавҷуда, террористи маргталаб бо истифода аз нақлиёти сабукрав ҷониби анбӯҳи одамон ҳаракат намуда, онро ба кор даровардааст. Ҳодиса дар минтақаи аҳолинишини Ал-Имора дар назди яке аз майдонҳои варзишӣ ба вуқӯъ пайвастааст. Бар асари таркиш чанд нақлиёт ва биноҳои атроф хароб гардиданд. Шаби 1-уми январи соли 2017-ум ду террористи маргталаб дар шаҳри Тартус таҷҳизоти таркандаро фаъол намуда буданд. Бар асари ин ҳодиса ду нафар ба ҳалокат расид. Масъулияти ин ҳамларо террористони гурӯҳи бо ном «Давлати исломӣ» ба уҳд гирифтанд. 23-юми майи соли 2016-ум бошад, дар истгоҳҳои автомобилии шаҳри Ҷабла ва Тартуси Сурия силсилатаркишҳо ба ҳалокати 70 сокини маҳаллӣ боис шуданд.